2 Korintus 11:22 - En Taar Weru a nunuwu' é Tontemboan

²² Ipakua éra sapaoka séra tou Ibrani. Yaku ka'i tou Ibrani! Ipakua éra ka'i séra tou Israel. Yaku ka'i tou Israel! Ipakua éra ka'i sapaoka iséra taranak i Abraham. Taniitu ka'i aku taranak i Abraham!

2 Korintus 11:22 ပူးပေါင်းရင်းမြစ်များ

Matius 3:9

Tioo kamu mawasa ro'na icawekar an ukuman ampa'paan kamu taranak i Abraham. Icuaku mangé ai camu, sé watu anio' ro'na émaan i Amang Kasuruan mamuali taranak i Abraham.

Kisah Para Rasul 22:3

“Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Kisah Para Rasul 6:1

Sé tou mengakiit in sususuien i Yesus makaaweso eng kakeli. An tutuw itu sé tou Yahudi sé manuwu' i nunuwu' é Yunani mangingimbulu a sé tou Yahudi sé menganuwu' i nunuwu' é Ibrani. Ampa'paan sé wéwéné balu é tou Yahudi menganuwu' i nunuwu' é Yunani itu, ra'io pawéan rékén é tou an tutuw mengaéké ing kaperluan mengendo-ngendo.

Roma 11:1

Wuéienku, aicélongo réén i Amang Kasuruan sé tou Israel? Tantu ra'ica! Yaku in esa tou Israel, taranak i Abraham, an suku i Benyamin.

Roma 9:4

Séra itu sinisiro i Amang Kasuruan wo niangkaio mamuali toyaang-Na in esa wo tumerimao ka'i i rarayo wo in sisiri'-Na. Séra jinanjian i Amang Kasuruan ing kamangen, wo winéan-Nao ukum Torat. Wo aicuao i Amang Kasuruan ai séra tumambisa maapo' ai Sia, wo ka'i séra winéan-Nao in janji-janji.

Galatia 3:16

Taniitu ka'i wo im pakasa in janji i Amang Kasuruan si aicuao a si Abraham wo a si taranakna. An tutuw en janji-Na itu niéma', ra'ica aicua “a sé tarana-taranakmu” en tumuru' a sé tou keli, taan aicua “a si taranakmu” si tumuru' asi esa tou, Siao si Kristus.

Filipi 3:5

Yaku sinunat an tutuw in umurku walu ngando. Yaku tou Israel, asi suku i Benyamin, wutu-wutul tou Ibrani. Wo aku tou Farisi, si le'tek keli an ukum Torat.