2 Korintus 11:19 - En Taar Weru a nunuwu' é Tontemboan

¹⁹ Ampa'paan kamu talesen masaru sé tou bodok, kamu tumalosoo taré eng kapinter!

2 Korintus 11:19 ပူးပေါင်းရင်းမြစ်များ

1 Korintus 10:15

Ipakuaku andumoro' sé anio' ai camu ampa'paan kailekanku sapaoka kamu tou awéan kapinteran. Anaé, camu oka in esa e merot sé ipakuaku anio' wutul kuma'pa ra'ica.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 8:1

Poo-poowku, intarépé' icasalé'ku icua ai camu andumoro' ing kakanen iparagés a sé opo-opo'. Awéan sé tou makua in tana'i: “Kita im baya sé maéman makaileko andumoro' in itu.” Eng kakailekan tanu siitu mengaéma' icamu makatirayo, taan en upus ro'na méé ing kaketeran a sé tou walina.

Wahyu 2:2

Kailekan-Ku sapa sé niéma' miow, kamu tumawoio mai in uter ang kerapi ing kale'tekan. Kailekan-Ku ka'i kamu ra'ica talesen makaséré sé tou léwo'. Tini'tiro miow sé tou sé makua sapaoka séra ruru'du'an, taan en ulitna ra'ica tanu siitu, wo kinailekano miow séra itu kotowo.

Wahyu 3:17

Aicua miow, ‘Kami anio' tou imasiya'o wo sapa-sapake' awéano ai cami, ra'ica wana e maina' ai cami,’ taan ra'ica kailekan iow en ulitna kamu itu tou sumusa-susa wo kawendun oka mai, lengéi, wola wo metangkol.