2 Korintus 10:6 - En Taar Weru a nunuwu' é Tontemboan

⁶ Wo sa kamu wutu-wutulo le'tek a si Kristus, kami tu'tul mukum pakasa in tou sé ra'ica le'tek a si Kristus.

2 Korintus 10:6 ပူးပေါင်းရင်းမြစ်များ

Roma 2:23

Iparayo miow sapaoka kamu makaileko in ukum Torat. Taan kamu in esa mengaroros i ngaran i Amang Kasuruan ang karapi in da'ica makiit in ukum Torat itu.

1 Korintus 4:21

Anaé, si wisa en sisiren iow? Yaku mai sumusui ai camu maké in sambok? Kuma'pa aku mai ai camu ang karapi ing kaupusan wo ang karapi ing ko'kos en até?

2 Korintus 13:10

Ampa'paan in ituo aipaticku en surat anio' an tutuw aku ra'ipé' an uner iow. Wo in taniitu sa aku maai sa, ra'io sangali repetanku en tumindak icamu ang karapi imaké ing kawasa aiwéé i Amang Kasuruan a yaku. Eng kawasa itu aiwéé a yaku e méé ing kaincayaan am paémanen iow, ra'ica in tumeri.

2 Korintus 13:2

Asi keaiku kumarua, isumangkumo ta'néiku a sé tou sé iméma'o ing kamesé-meséaan wo ka'i a sé tou walina wosama' mentoo mio' mengéma-ngéma' ing kameséaan. Wo intarépé', ang karoro'an aku mentayangan wo icamu, ta'néiku sumawel sapaoka sa aku maai sa, repetanku oka en tumindak sé pakasa in tou sé mengéma-ngéma'pé' ing kamesé-meséaan.

2 Korintus 2:9

Indior aipaticku en surat ai camu e muji sa kamu wutu-wutul mengakiit sé aituru'kuo.

2 Korintus 7:15

Intarépé' makaaweso eng kaupusanna ai camu, ampa'paan sia makata'néi tambisa kamu im baya le'tek maéma' sapa sé pinangilekna wo ka'i tambisa kamu tumerima sia ang karapi wuta in siri'.

1 Timotius 1:20

An uner éra awéan si Himeneus wo si Aleksander. Séra in dua itu aisarakankuo a si kikiiten é sétang. Niéma'ku in taniitu wosama' séra mape'dis e maojat i ngaran i Amang Kasuruan.

3 Yohanes 1:10

Ampa'paan in itu, sa aku maai sa, icuaku oka waya sé niéma'na, ampa'paan ipasisilna sé léwo' wo sé ra'ica wutul andumoro' ami. Wo pakasa en itu ra'ipé' ka'i awes ai sia. An tutuw é poo-poow esa paémanen mai, ra'ica kiimna tumerima iséra. Ra'ica siituke', papéronenna ka'i sé tou sé masalé' mengaterima sé poo-poow esa paémanen itu. Wo ra'io wééna sé tou mengaterima itu e mewali-wali meesa an jamaat.