2 Korintus 10:1 - En Taar Weru a nunuwu' é Tontemboan

¹ Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 10:1 ပူးပေါင်းရင်းမြစ်များ

Matius 11:29

Wuléngeno em pamuléngen si aiwuléng-Ku am palukamu wo mekisusuio mai a Yaku, ampa'paan Aku sama' wo ko'kos en até. Wo in taniitu kamu mendam oka ing kaeluran.

Matius 21:5

“Icuao mangé a sé tou an Yerusalem, ‘Sérén, si Colano miow maayo ai camu. Sia ko'kos en até, makalukut am bawo i esa keledai, si esa keledai wo'basé'.’ ”

Kisah Para Rasul 8:32

Sé nats binaca i kikiiten itu tana'i, “Sia paalin tanuoka maali si domba mangé pokolen. Sia ka'i asalo i makapenes ra'io rumoma' mai in sapa-sapa tanuoka si ana' i domba pakuntingan im buuk.

Roma 10:20

Wo si Yesaya ka'i brani icumua i nunuwu' i Amang Kasuruan andumoro' é tou ra'ica Israel tana'i: “Yaku meta'upo wo sé tou sé ra'ica kawisa mangéré Yaku. Wo aipapaturu'-Kuo en owak-Ku ai séra sé ra'ica kawisa e memué-muéi in andumoro' Yaku.”

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

Roma 15:15

Mandé in taniitu, yaku ra'ica malawi' e matic piraan sina'u an surat anio' en ta'néi ai camu, ampa'paan si Amang Kasuruan tumambéro mai in tawoien anio' a yaku.

1 Korintus 2:3

Wo an tutuwku maento' ang karapi miow, en owakku uli-ulit lembi wo maindé' keli akar en owakku gume'ger.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 4:21

Anaé, si wisa en sisiren iow? Yaku mai sumusui ai camu maké in sambok? Kuma'pa aku mai ai camu ang karapi ing kaupusan wo ang karapi ing ko'kos en até?

2 Korintus 10:10

Ampa'paan awéan e makua “E nunuwu' i Paulus an surat-suratna repet keli wo uter, taan sa sia an unerta em perina ra'ica tanu si an surat wo e nunuwu'na ra'ica wana en torona.”

2 Korintus 10:2

wo pangilekenku tioo émaan iow aku repet en tumegor icamu an tutuwku maai ai camu sa. Ampa'paan aku mawasa en tumegor in depet sé tou makua icami asalo menonou mengakiit ing kasalé'an ing kayo'baan.

2 Korintus 10:7

Séréno sapa sé an dior iow. Sa tou maéman sapaoka sia anu i Kristus, sia in esa ka'i musti merot icami anu i Kristus kaputéna.

2 Korintus 11:21

Mandé kai malawi', musti icuaku sapaoka kami maindé'ke' mengaéma' tanu sé pengaémaan éra. Taan sa sé tou walina ra'ica maindé' marayo in owak éra, mandé ka'i kalingaan tanuoka im pakaroma' é tou bodok, yaku ka'i ra'ica maindé' rumayo in owak.

2 Korintus 11:30

Sa aku musti tumirayo in owakku in esa, yaku asalo mengatirayo sé andumoro' sé ra'ica keter an owakku.

2 Korintus 12:5

Wo si patirayoku andumoro' i tou itu, ra'ica ipatirayoku en owakku. Taan sa aku tumirayo andumoro' in owakku in esa, en tirayoku wayake' andumoro' sé ra'ica keter an owakku.

2 Korintus 3:12

Ampa'paan kami makaanu in arapan tanu siitu, kami ra'ica maindé' en tumindak.

2 Korintus 5:20

Anaé, icamio sé a yutus i Kristus. Sa kami sumina'u icamu, en itu meputéo si Amang Kasuruan sumina'u. Wo ang karapi i ngaran i Kristus, uli-ulit pekiupusen ami, wosama' icamu meeluran wo si Amang Kasuruan.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

2 Korintus 7:4

Yaku uli-ulit mercaya icamu. Wo ka'i kamu uli-ulit iparayoku! Mandé ka'i kelian eng kawenduan pinendam ami mai, en atéku kinaiboran keli ampa'paan icamu. En atéku uli-ulit arui.

Galatia 4:13

Tantu kata'néiané' miow an tutuwku kataré-taré mai ai camu. An tutuw itu aku sumakit, anaé aku mangéke' an sangkum ing Galatia e mena' in owak, wo tutuw itu aku sumangkumo kumua in Abar Kaaruien andumoro' i Yesus Kristus ai camu.

Galatia 5:2

Wéan rékén sumama-sama'! Yaku Paulus kumua in tana'i ai camu: Sa kamu méé in owak en sunaten wosama' nianggap wutul an dior i Amang Kasuruan, sapa si niéma' i Kristus ai camu ra'ica wana en torona.

Efesus 3:1

Yaku Paulus binui ampa'paan makua in Abar Kaaruien andumoro' i Yesus Kristus ai camu tou ra'ica Yahudi.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

Filipi 4:5

Iwayao mio' eng kasamaan in atému kakailekan é pakasa in tou. Si Apo' Yesus ra'io uré maai sumawel.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

2 Tesalonika 3:17

En siri' anio' a yaku owo, Paulus. En siri' anio' aipaticku ing kamaku in esa. Pakasa en surat aipaticku maké in tuus tanu siitu. Siituo en tuusna sapaoka en surat itu wutu-wutul a yaku owo.

Filemon 1:19

Yaku Paulus, kamakuo in esa e matic in anio': “Yaku oka en tumu'bus pakasa in utang i Onesimus.” Wo ra'io sangali ita'néiku sapaoka ko awéan utang a yaku e makawali ico makéré ing katouan weru an tutuw ko mamualio tou maéman.

Filemon 1:9

taan ampa'paan ing kaupusanmu a sé tou, lébé loor pekiupusenku ai co ang karapi in lekep en até. Wopé'ka'i aku anio' Paulus matu'ao wo ka'i intarépé' binui ampa'paan i Kristus Yesus.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.