2 Korintus 1:9 - En Taar Weru a nunuwu' é Tontemboan

⁹ Kami uli-ulit makapendam tanuoka im pinonéso in ukumen patén. Taan en itu mamuali wosama' kami ra'ica asalo mercaya in owak ami in esa, taan kasake' maéman a si Amang Kasuruan si tumou sumawel sé tou imatéo.

2 Korintus 1:9 ပူးပေါင်းရင်းမြစ်များ

Lukas 18:9

Wo icua i Yesus ka'i en andéan anio' a sé tou sé maanggap in owak éra wutul wo maepeske' im beren a sé tou walina. Icua-Na,

Roma 8:36

Tanu sé aipatic ang Kitap Le'nas in tana'i: “Ampa'paano Ico, susur in endo kami mengasaru im papaté, kami pengaémaan tanu sé domba im pokoleno.”

2 Korintus 1:10

Siao en lumowir icami asi papaté si kaindéén itu. Wo Siao ka'i en lumowir icami asi endo maai sa, ampa'paan ai Siake' em paarapan ami.

2 Korintus 1:8

Poo-poow, icasalé' ami wosama' kailekan iow andumoro' ing kawenduan si pinendamo ami an Asia Teké'. Eng kawenduan si winuléng ami itu uter keli ilumébéo asi kinawooan ami, akar kami ra'io wana arapan i menonou.

2 Korintus 3:5

Kami ra'ica wana alasan eng kumua sapaoka kawooan ami méma' in tawoien anio', taan si Amang Kasuruan i méé mai icami makawoo.

2 Korintus 4:7

En Abar Kaaruien sé pakua ami itu ayandé tanu ing kasiyaan sosor em bééna. Wo icami sé mengakua in Abar Kaaruien itu ayandé tanu ing kuré' taweté'. Icami makaanu ing kasiyaan anio' an untep ing kuré'. En itu imamuali en tumuru' sapaoka eng kaketeran si lumepe-lepet itu asi Amang Kasuruan owo ra'ica ai cami.

Ibrani 11:19

Ampa'paan paweroten i Abraham sapaoka sa si Ishak maté, tantu sia touen sumawel i Amang Kasuruan. Wo an tutuw si Amang Kasuruan tumu'tulo domba iragés isawel si Ishak, si Abraham tanuoka itumerima sumawel si Ishak am papaté.