2 Korintus 1:24 - En Taar Weru a nunuwu' é Tontemboan

²⁴ Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

2 Korintus 1:24 ပူးပေါင်းရင်းမြစ်များ

Matius 24:49

‘Urépé' réén si tuangku maréngai.’ Anaé, tumo'tolo papangkurenna sé ata walina, wo mangé ka'i kuman wo melep ang karapi é tou lalangun.

Roma 1:12

Em peangé-angénku sa aku an uner iow am bitu, kita ro'na membém-béan ing kaketeran im paémanen a si Amang Kasuruan.

Roma 11:20

En itu wutul. Séra aitiya' ampa'paan séra ra'ica maéman, wo kamu tinerima ampa'paan kamu maémano. Anaé, kamu tioo matirayo, aweso taré kamu maindé'o mangé a si Amang Kasuruan.

Roma 5:2

Wo ampa'paan kita maéman a si Yesus, kita imakéré in upus aitambér i Amang Kasuruan. Wo ampa'paan in upus aitambér ituo kita menonou intarépé'. Wo kita maaru-arui ampa'paan makaanu im paarapen sapaoka kita makéré oka bagéan a rarayo wo in sisiri' asi Amang Kasuruan owo.

1 Korintus 15:1

Poo-poow, intarépé' casalé'ku en tuma'néi sumawel ai camu en Abar Kaaruien andumoro' i Yesus Kristus si aicuakuo indior ai camu. En Abar Kaaruien itu tinerimao miow wo akar intarépé' pakatimboiané' miow.

1 Korintus 3:5

Sa kumiit icamu, si séi réén si Apolos itu? Wo si séi réén si Paulus itu? Kami in dua asalo tou maselewir a si Amang Kasuruan. Kami sé makawalio icamu e maéman a si Kristus wo kami si esa wo si esa asalo maéma' in tawoien si airu'du' i Amang Kasuruan ai cami.

2 Korintus 11:20

Ipakawayake' miow sé tou sé mengaata icamu, sé mengaindo pakasa in anu miow, sé mengaindo ing kauntungan ai camu, sé mendam irumangka' mai wo icamu, wo sé ra'ica mindé' mengasepé' in amo miow.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

2 Korintus 5:7

Icami menonou kumiit im paémanen ami a si Kristus, ra'ica kumiit sapa si kinaséréan ami,

1 Petrus 5:3

Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.