2 Korintus 1:19 - En Taar Weru a nunuwu' é Tontemboan

¹⁹ Ampa'paan si Yesus Kristus, Toyaang i Amang Kasuruan, ra'ica icumua “én” kekawus in itu “ra'ica”. Si Kristus ituo si ayabar i Silas, Timotius wo yaku ai camu. An untep i Kristus asaloke' awéan “én”.

2 Korintus 1:19 ပူးပေါင်းရင်းမြစ်များ

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Matius 24:35

En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”

Matius 27:40

Icua éra ai Sia, “Éi! Icua-Mu kiné Ko ro'na tumongkar im Balé Le'nas wo wangunen-Mu sumawel asi telu ngandoke'. Sa uli-ulit Ko Toyaang i Amang Kasuruan, tumumpao mai asi salip itu wo lowireno en owak-Mu in esa.”

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Matius 4:3

Wo si kikiiten é sétang mai wo kumua, “Ampa'paan Ko Toyaang i Amang Kasuruan, peréntano sé watu anio' wosama' mamuali roti.”

Markus 1:1

Si anioo en to'tolan in Abar Kaaruien andumoro' i Yesus Kristus, Toyaang i Amang Kasuruan.

Lukas 1:35

Isowat i malaékat itu ai sia, “E Roh Le'nas maai oka ai co wo eng kawasa i Amang Kasuruan Si Rumangka-rangka' maai lumoindong oka ico. Ampa'paano in itu si toyaang tumou ai ico itu sa, Le'nas wo pengatuulen oka Toyaang i Amang Kasuruan.

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 19:7

Wo icua é tou Yahudi itu a si Pilatus, “Icami awéan ukum, sa kumiit in ukum itu, Sia musti ukumen im patén, ampa'paan Sia mawerot en owak-Na Toyaang i Amang Kasuruan.”

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Yohanes 6:69

Icami anio' maémano wo makaileko si Tuang itu Le'nas si ayutus i Amang Kasuruan.”

Yohanes 8:58

Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”

Kisah Para Rasul 15:22

Kumawus in itu pinusé' é ruru'du'an wo sé penatua wo ka'i pakasa en tou maéman an Yerusalem en sumisir piraan tou ai séra. Sé tou sé kinasisiran itu ayutus eng kumiit si Paulus wo si Barnabas mangé an Antiokhia. Sé sinisir éra itu, si Yudas si pengatuulen ka'i Barsabas wo si Silas. Sé tou maéman an Yerusalem mengasiri' ai séra in dua.

Kisah Para Rasul 16:1

Si Paulus mangé ka'i an Derbe wo melala'us an Listra. A mangé mbitu, awéan esa tou makangaran Timotius, sia anio' tou makiit a si Yesus. Si inangna tou Yahudi si maémano a si Yesus wo si amangna tou Yunani.

Kisah Para Rasul 18:5

An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior.

Kisah Para Rasul 8:36

Séra lumala'us i bawayaan wo séra icateka' an esa tampa awéan rano. Icua i kikiiten itu a si Filipus, “Sérénmu, am bitu awéan rano! Tambisa, ro'nao réén aku baptisenmu?” [

Kisah Para Rasul 9:20

Asi témpo ituke', sia muntep am balé-walé paapo'an é agama Yahudi wo makua a sé tou sa si Yesus itu Toyaang i Amang Kasuruan.

2 Korintus 1:1

En surat anio' a yaku owo, Paulus si mamuali ruru'du'an i Yesus Kristus kumiit ing kasalé'an i Amang Kasuruan. En surat anio' aipaticku mewali-wali wo si Timotius poowta an esa paémanen. En surat anio' aicirim ami a sé jamaat i Amang Kasuruan ang Korintus, wo ka'i a sé tou le'nas an Akhaya.

1 Tesalonika 1:1

Siri'ku Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika, sé maéman a si Amang Kasuruan wo a si Apo' Yesus Kristus. Pangileken ami a si Amang Kasuruan wosama' kamu tambéran-Na mai ing kamang wo méma' ing katouan iow elur.

2 Tesalonika 1:1

Siri' a yaku owo, Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika. Kamu sé maéman a si Amang Kasuruan Amangta wo a si Apo' Yesus Kristus.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Ibrani 1:11

Eng kayo'baan wo pakasa sé an untepna maka'pu oka, taan Ico kasake' awéan, wo pakasa en itu malaléi oka meputé ing karai.

Ibrani 13:8

Si Yesus Kristus kasake' puté, indior, intarépé' wo akar ing kauré-uré.

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.

2 Petrus 1:17

Sinéré amio tumambisa si Yesus makéré i rarayo wo in sisiri' asi Amang Kasuruan owo. An tutuw itu kalingaan ami en suara i Amang Kasuruan si pasiri-siriin wo iparayo-rayo makua ai Sia tana'i, “Si anioo si Toyaang-Ku, si ipaupu-upus-Ku. Siao si mengaarui in até-Ku.”

1 Yohanes 1:3

Intarépé' icua ami ai camu sapa sé sinéréo wo liningao ami ai Sia. Wo in taniitu kamu ro'na menonou meesa wo icami. Wo kita im baya ka'i menonou meesa wo si Amang wo si Toyaang-Na Yesus Kristus.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

2 Yohanes 1:9

Si tou ra'io ka'i makiit in sususuien i Kristus wo makiit oka in sususuien walina, sia itu ra'ica makaanu si Amang Kasuruan. Taan si tou makiit in sususuien i Kristus, sia itu makaanu si Amang wo ka'i si Toyaang.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 1:17

An tutuwku isuméré Sia, icakepao aku tanuoka tou imaté an dior ing kécéi-Na. Wo iweta'-Na eng kama kakan a yaku wo icua-Na, “Tioo maindé'! Yaku anio' Si Kumataré wo Si Ka'karan,

Wahyu 1:8

Si Amang Kasuruan icumua in tana'i, “Yaku anio' Alfa wo Omega, si awéano indior, si awéan intarépé' wo si maai sa, wo Yaku ka'i Si Makakawasa.”

Wahyu 2:18

“Ipatico mio' ka'i a si malaékat si mengatéir in jamaat an Tiatira. Si anioo en taar asi Toyaang i Amang Kasuruan owo, em beren-Na mengembu-ngembung kaputé in api wo eng kécéi-Na masélap tanuoka in tambaga patunun: