2 Korintus 1:12 - En Taar Weru a nunuwu' é Tontemboan

¹² Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 1:12 ပူးပေါင်းရင်းမြစ်များ

Kisah Para Rasul 23:1

An tutuw i Paulus aisaru a sé anggota Mahkamah Agama, téintengenna séra wo kumua, “Éi poo-poow, akar asi endo anio' aku menonou ang karapi in até weresi an dior i Amang Kasuruan.”

Kisah Para Rasul 24:16

Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.

Roma 9:1

Sapa en icuaku anio' wutul, ampa'paan aku meesao ang karapi i Kristus. Yaku ra'ica matowo. En até weresiku si pakaakinen i Roh Le'nas méé kasairian,

1 Korintus 1:17

Ampa'paan aku ra'ica airu'du' i Kristus e mengabaptis taan airu'du'ke' ing kumua in Abar Kaaruien. Wo en Abar Kaaruien ipakuaku itu, ra'ica mapaké ing kapinteranku maroma'. Niéma'ku tanu siitu wosama' eng kawasa im papaté i Kristus ang kayu salip ra'ica mara'i-ra'i.

1 Korintus 12:8

A si esa tou winéanai kamang aitambér i Roh e manuwu' mapaké ing kapinteran asi Amang Kasuruan owo. Wo a si Roh meputé ka'i, sé tou walina winéanai kamang aitambér i Roh e manuwu' mapaké ing keli eng kakailekan.

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

1 Korintus 2:13

Wo in taniitu, sa kami makua andumoro' sé ipakua i Roh Le'nas a sé tou sé pengaakinen i Roh i Amang Kasuruan, kami makua ra'ica mapaké i nunuwu' ing kapinteran in tou, taan mapaké i nunuwu' si aisusui i Roh i Amang Kasuruan.

1 Korintus 4:4

Pawerotenku, aku ra'ica wana kaséaan sapa-sapa, taan en itu ra'ica mamuali tuus sapaoka aku wutu-wutul ra'ica meséa. Si Apo' Yesuske' in esa en tumantu mai yaku meséa' kuma'pa ra'ica.

1 Korintus 5:8

Anaé, itiya'o mio' si ragi uré. Si ragi ituo eng kamesé-meséaan wo eng kaléwo'an iow. Wo mayoo kita méma' ing kasalé-salé'an im Paska ang karapi i roti si ra'ica rinagian en tumuru' cita lekep en até wo menonou wutul an dior i Casuruan.

2 Korintus 1:17

Taan mawalinake' em pawasanku itu, mandé ka'i in taniitu, en itu ra'ica tumuru' sapaoka em pendirianku ra'ica uli-ulit. Tutuw aku imawasa-wasa in itu, yaku ra'ica kumiit ing kasalé'anku in esa, tanu sé tou makua “én” kumawus itu kumua “ra'ica”.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

2 Korintus 8:8

Sé ipakuaku andumoro' in doit ipatawang itu, ra'ica esa perénta ai camu. Taan en icasalé'ku kakailekan iow tambisa eng kaincayaan é tou walina en tumawang sé kakéléna, akar kamu ka'i kumiit tumawang iséra. Wo in taniitu icasalé'ku suméré sapaoka kamu uli-ulit mengaupus sé tou walina.

Galatia 6:4

Aweso taré si esa wo si esa tou numilai im paémaanna loor kuma'pa ra'ica. Sa em paémaanna loor, sia ro'na tumirayo asé sapa sé niéma'na itu. Wo sé pinengaéma'na ra'io sangali ipeputéna wo im pinengaéma' é tou walina.

Efesus 6:14

Anaé, kumete-ketero mangé makatulung tanu suraro sé tu'tulo i merang. Wo pakéno mangé en sususuien wutul tanu mapaké im pawe'ber am pinggangmu wo ra'ica marapit tanu mapaké ing karai bési ipari'dir in owakmu.

Filipi 1:10

akar ro'na sisiren iow si loor. Wo in taniitu, akar asi endo i Kristus maai sumawel eng katouan iow weresi wo ra'ica wana kaséaan.

1 Tesalonika 2:10

Icamuo in esa wo ka'i si Amang Kasuruan si mamuali sairi, sapaoka kami menonou ang karapi in até weresi, ra'ica marapit wo ra'ica iméma' ing kameséaan sapa-sapa ai camu sé maéman.

1 Timotius 1:5

Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.

Titus 2:7

Wo ko é Titus, em perimu musti mengaéma' in loor wosama' ko ro'na mamuali paandéan é tou. Sa ko sumusui, mengasusui angé ang karapi i makakii-kiit wo rondor en até.

Ibrani 13:18

Ipenomba-nombayango mangé kami. Ampa'paan percayan ami en até ami uli-ulit weresi, ampa'paan am baya-waya kami masalé' mengéma-ngéma' sapa sé loor.

Yakobus 4:6

Taan en upus aitambér i Amang Kasuruan ai cita, lébé wangko' mai wo in itu. Ampa'paano in itu aipatic ang Kitap Le'nas tana'i, “Sunduren i Amang Kasuruan sé tou tirayo, taan turu'-Na eng kaupusan a sé tou ko'kos en até.”

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.