2 Korintus 1:1 - En Taar Weru a nunuwu' é Tontemboan

¹ En surat anio' a yaku owo, Paulus si mamuali ruru'du'an i Yesus Kristus kumiit ing kasalé'an i Amang Kasuruan. En surat anio' aipaticku mewali-wali wo si Timotius poowta an esa paémanen. En surat anio' aicirim ami a sé jamaat i Amang Kasuruan ang Korintus, wo ka'i a sé tou le'nas an Akhaya.

2 Korintus 1:1 ပူးပေါင်းရင်းမြစ်များ

Kisah Para Rasul 16:1

Si Paulus mangé ka'i an Derbe wo melala'us an Listra. A mangé mbitu, awéan esa tou makangaran Timotius, sia anio' tou makiit a si Yesus. Si inangna tou Yahudi si maémano a si Yesus wo si amangna tou Yunani.

Roma 15:26

Ampa'paan sé jamaat a Makedonia wo an Akhaya lumi'uso roit em béé a sé tou lengéi an uner é tou le'nas an Yerusalem.

Roma 16:21

Si Timotius katawoiku am bia'i méé ka'i mai in siri' ai camu. Taniitu ka'i sé kakéléku tou Yahudi si Lukius, Yason wo si Sosipater méé ka'i mai in siri' ai camu.

Roma 16:5

Icuao ka'i mangé en siri'ku a sé jamaat sé mengali'usai maapo' am balé i Priskila wo si Akwila. Icuao ka'i mangé en siri'ku a si Epenetus, si poow an esa paémanen si icaupusku, siao si tou kataré-taré maéman a si Kristus an Asia.

1 Korintus 10:32

Kamu musti menonou tanu siitu akar ra'ica émaan iow sé tou walina méma' ing kameséaan, sia tou Yahudi, tou ra'ica Yahudi, kuma'pa sé tou maéman a si Kristus an jamaat-jamaat i Amang Kasuruan.

1 Korintus 16:10

Sa si Timotius maai ai camu, sungkulen iow sia ang karapi in sama' wosama' sia ra'ica mendam i maindé' an tutuwna mewali-wali wo icamu. Ampa'paan sia maselewir in tawoien i Casuruan, kaputéku.

1 Korintus 16:15

Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas.

1 Korintus 16:24

En upusku mewali-wali wo icamu im baya am paesaan wo si Kristus Yesus.

1 Korintus 6:11

Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.

2 Korintus 1:19

Ampa'paan si Yesus Kristus, Toyaang i Amang Kasuruan, ra'ica icumua “én” kekawus in itu “ra'ica”. Si Kristus ituo si ayabar i Silas, Timotius wo yaku ai camu. An untep i Kristus asaloke' awéan “én”.

2 Korintus 1:23

Si Amang Kasuruan en sairiku ampa'paan kailekan-Na en atéku. Yaku ra'ica mamuali maai ang Korintus, ampa'paan ra'ica kiimku mendu in até miow.

2 Korintus 11:10

En darayoku itu ra'ica toro kalaan é séike' mangé an Akhaya, ampa'paan en sususuien wutul i Kristus an untepo in atéku.

2 Korintus 9:2

Ampa'paan kailekankuo kamu masalé' mengatawang, wo kamu aitirayokuo a sé jamaat a Makedonia. Ipakuaku ai séra sapaoka kamu an sangkum in Akhaya tu'tulo méé in doit tatawang tumo'tolke' mai asi ta'un ilumangkoi. Wo eng kaincayaan iow imuwaso in até é kinakelian ai séra e mekiit méé roit tatawang.

Galatia 1:1

En surat anio' a yaku owo Paulus. Yaku mamuali ruru'du'an, ra'ica airu'du' é tou wo ra'ica ka'i niangkai i esa tou. Taan aku mamuali ruru'du'an ampa'paan i Yesus Kristus wo si Amang Kasuruan, Amangta, si tumou sumawel si Yesus an uner é tou imaté.

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Efesus 1:1

En surat anio' a yaku owo Paulus, si mamuali ruru'du'an i Kristus Yesus kumiit ing kasalé'an i Amang Kasuruan. En surat anio' aipaticku ai camu tou le'nas an Efesus, sé le'tek maéman a si Kristus Yesus.

Filipi 1:1

En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.

1 Tesalonika 1:1

Siri'ku Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika, sé maéman a si Amang Kasuruan wo a si Apo' Yesus Kristus. Pangileken ami a si Amang Kasuruan wosama' kamu tambéran-Na mai ing kamang wo méma' ing katouan iow elur.

1 Tesalonika 3:2

wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer.

2 Tesalonika 1:1

Siri' a yaku owo, Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika. Kamu sé maéman a si Amang Kasuruan Amangta wo a si Apo' Yesus Kristus.

1 Timotius 1:1

En surat anio' a yaku owo Paulus, si mamualio ruru'du'an i Kristus Yesus kumiit im perénta i Amang Kasuruan Si Lumolowirta wo si Kristus Yesus si paarapenta.

2 Timotius 1:1

En surat anio' a yaku owo, Paulus, si mamualio ruru'du'an i Kristus Yesus kumiit ing kasalé'an i Amang Kasuruan. Yaku sinisir-Na eng kumua in janji-Na wosama' sé tou maéman a si Kristus Yesus ro'na makéré ing katouan akar ing kauré-uré.

Titus 1:1

En surat anio' a yaku owo, Paulus. Yaku anio' ata i Amang Kasuruan wo ruru'du'an i Yesus Kristus. Yaku ayutus en tumawang sé tou sinisiro i Amang Kasuruan wosama' em paémanen éra makaketer wo ro'na makailek in sususuien wutul. En sususuien itu en tumawang iséra tumambisa menonou mengaapo' a si Amang Kasuruan.

Filemon 1:1

En surat anio' a yaku owo Paulus, si binui ampa'paan makua in abar andumoro' i Kristus Yesus wo asi Timotius owo poowta an esa paémanen. En surat anio' aipatic ami wo iwéé ai co Filemon si caupus ami, si katawoi ami,

Ibrani 13:23

Icasalé'ku kailekan iow sapaoka si Timotius poowta aicesoto am bui. Sa sia icateka'o am bia'io, kami in dua makala'us mewali-wali oka maangé ai camu.