1 Yohanes 5:21 - En Taar Weru a nunuwu' é Tontemboan

²¹ Toya-toyaang sé icaupusku, kamu musti mareti-reti, oréoka kamu maapo' a sé opo-opo'.

1 Yohanes 5:21 ပူးပေါင်းရင်းမြစ်များ

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

1 Korintus 10:14

Ampa'paan in ituo é poo-poow sé icaupusku, kamu tioo mengaapo' a sé opo-opo'.

1 Korintus 10:7

wo ka'i wosama' kita ra'ica mamuali tou maapo' a sé opo-opo', kaputé im paémaan é piraan tou ai séra. En itu meputé si aipatic ang Kitap Le'nas tana'i, “Si bangsa itu lumukut eng kuman wo melep mewali-wali, wo makatulung maéngké maapo' marayo sé opo-opo'.”

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

1 Yohanes 2:1

Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

Wahyu 14:11

Wo en tembur in api e mokoi iséra itu memulu-mulut akar ing kauré-uré, wo séra pengoko-ngokoien endo wo em bengi. Séra ituo sé tou makuru en sumiri' si binatang wo im patongna itu wo sé itumerima in tuus i ngaranna.”

Wahyu 9:20

Taan sé tou walina sé ra'ica imaté ing kawangkuran itu, ra'- ica kiim mape'dis mengéma-ngéma' sé léwo'. Séra ka'i ra'ica kiim mento' makuru en sumiri' a sé roh léwo' wo a sé patong-patong tanumai patong mas, pérak, tambaga, watu wo kayu sé ra'ica maséré, malinga, kuma'pa ka'i mawaya'.