1 Yohanes 5:19 - En Taar Weru a nunuwu' é Tontemboan

¹⁹ Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

1 Yohanes 5:19 ပူးပေါင်းရင်းမြစ်များ

Lukas 4:6

Wo icuana a si Yesus, “Pakasa eng kakawasaan wo eng kasiyaan itu, iwééku oka waya ai Co! Ampa'paan pakasa en itu aiwééo a yaku wo ro'na ka'i iwééku a si séike' sé icasalé'ku.

Yohanes 12:31

Intarépé' an témponao si Amang Kasuruan makim sé tou ang kayo'baan anio', wo si kikiiten é sétang si makakawasa ang kayo'baan anio' iténdél oka ang kesot.

Yohanes 14:30

Intarépé' Aku ra'io kumeli roma' ai icamu, ampa'paan si kikiiten é sétang si kumawasa ing kayo'baan anio' ang karoro'ano i maai. Taan sia ra'ica wana kawasa sapake' mangé a Yaku.

Yohanes 16:11

Katelu, ituru'-Na oka a sé tou sapaoka sé tou mengaéma' ing kamesé-meséaan tantu ukumen, ampa'paan si kikiiten é sétang si cumawasa ing kayo'baan anio' aitantuo in ukumen.

Yohanes 17:15

Yaku ra'ica mangilek a si Amang wosama' indon i Amang séra asi cayo'baan anio', taan pangileken-Ku wosama' loindongenai i Amang séra asi kawasa i léwo' siao kikiiten é sétang,

Roma 8:16

Wo e Roh i Amang Kasuruan itu kumetero in atéta sapaoka kita toya-toyaang i Amang Kasuruan.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

1 Yohanes 3:14

Kita icumesoto asi papaté wo méra a si katouan. Kailekanta en itu ampa'paan sé poo-poow ipaupu-upusta. Taan séi si ra'ica mengaupus, sia tatap am papaté.

1 Yohanes 3:24

Si séi si makiit waya im perénta-Na, sia itu meesa wo si Amang Kasuruan wo si Amang Kasuruan ka'i meesa wo isia. Wo kailekantao si Amang Kasuruan menonou meesa wo icita, ampa'paan si Amang Kasuruan imééo i Roh-Na ai cita.

1 Yohanes 5:10

Si séi si maéman a si Toyaang i Amang Kasuruan, sia itumerimao ing kasairian itu an aténa. Taan si séi e ra'ica maéman a si Amang Kasuruan, sia iméma'o si Amang Kasuruan kotowo ampa'paan sia ra'ica maéman ing kasairian i Amang Kasuruan andumoro' si Toyaang-Na itu.

1 Yohanes 5:13

Aipaticku waya en itu ai camu sé maéman a si Toyaang i Amang Kasuruan, wosama' kakailekan iow sa kinéréano miow eng katouan akar ing kauré-uré.

1 Yohanes 5:15

Wo sa kailekanta sapaoka pinalinga-Nao em pinangilekta, émanenta ka'i sapaoka pakasa sé pinangilekta kinéréantao.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 20:3

Wo si naga itu iténdélna an untep ing kepal im papaté. Wo kusiinna eng kepal im papaté itu wo ségélenna, wosama' ra'io toro sélé'kowna sé bangsa, sa ra'ipé' imalekep en sangariwu ngata'un. Sa imalekepo en sa- ngariwu ngata'un iwekar oka sumawel si naga itu taan en témpona ra'ica uré.