1 Yohanes 5:16 - En Taar Weru a nunuwu' é Tontemboan

¹⁶ Sa awéan tou isuméré si poowna mengaéma' ing kamesé-meséaan, wo eng kamesé-meséaan itu ra'ica imakawali si poowna itu am papaté, si tou isuméré in itu musti sumombayang angé a si Amang Kasuruan wosama' si poow itu wéan-Na katouan akar ing kauré-uré. Taan awéan kamesé-meséaan imakawali si tou am papaté. Wo andumoro' si tou mengaéma' ing kamesé-meséaan tanu siitu, ra'ica icuaku sapaoka kita musti sumombayang torona i tou itu.

1 Yohanes 5:16 ပူးပေါင်းရင်းမြစ်များ

Lukas 12:10

Sa si tou manuwu' sapake' sé masundur si Toyaang i Tou, sia ro'napé' kaampungan, taan si séike' sé manuwu' sapake' sé maojat si Roh Le'nas, sia ra'io kaampungan.

Yohanes 17:9

Anaé, intarépé' séra ipasombayang-Ku. Taan ra'ica ipasombayang-Ku sé tou sé ra'ica maéman ang kayo'baan anio', sé ipasombayang-Ku séra sé aisarakan i Amang a Yaku, ampa'paan séra itu anu i Amang.

2 Timotius 4:14

Si Aleksander si makailek mangaéma' im pakakas an tambaga owo, iméma'o kelian kaléwo-léwo'an a yaku. Ukumen oka i Casuruan sia kiit sé niéma'na.

1 Yohanes 5:17

Pakasa eng kaléwo-léwo'an itu kamesé-meséaan, taan awéan kamesé-meséaan si ra'ica imakawali sé tou am papaté.