1 Yohanes 5:14 - En Taar Weru a nunuwu' é Tontemboan

¹⁴ Wo kita ra'ica maindé' meta'up wo Sia, ampa'paan sa kita sumombayang kumiit ing kasalé'an-Na, percayanta lingan-Na oka sapa em pangilekenta.

1 Yohanes 5:14 ပူးပေါင်းရင်းမြစ်များ

Matius 21:22

Anaé, sapake' em pangileken iow an sombayang wo uli-ulit percayan iow, tantu sapa em pinangilek iow teriman iow oka.”

Yohanes 11:42

Kailekan-Ku pelinga-lingan i Amang en sombayang-Ku. Taan intarépé' icua-Ku tanu siitu ampa'paan keli sé tou makali'cir Yaku makalinga in sombayang-Ku. Icasalé'-Ku ro'na percayan éra sapaoka si Amango e mutusai Yaku.”

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

Yohanes 15:7

Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Yohanes 16:24

Akar intarépé' kamu ra'ipé' mangilek sapa-sapake' a si Amang-Ku ang karapi i ngaran-Ku. Mangileko mangé wo teriman oka miow en itu, wo kamu wutu-wutul arui.

Yohanes 9:31

Kailekanta sapaoka si Amang Kasuruan ra'ica luminga sé tou iméma' ing kamesé-meséaan, taan en lingan-Na si séike' mangé si uli-ulit mengasiri' Sia wo si mengaéma' ing kasalé'an-Na.

Efesus 3:12

Intarépé' kita ra'io ka'i maindé-indé' rumuru a si Amang Kasuruan, ampa'paan icita maémano a si Kristus Yesus wo meesao wo Sia.

Ibrani 10:35

Ampa'paan in itu, tioo ipaweka-wekar em paémanen iow a si Kristus, ampa'paan kéréan oka miow en laasa wangko' asi Amang Kasuruan.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Yakobus 4:3

Kuma'pa kamu masombayang taan ra'ica imakéré sapa-sapa ampa'paan em paawo-awon iow an sombayang suméa'. Em pinangilek iow itu asaloke' masalé' ka'pun iow e marui in owak iow in esa.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.