1 Yohanes 5:13 - En Taar Weru a nunuwu' é Tontemboan

¹³ Aipaticku waya en itu ai camu sé maéman a si Toyaang i Amang Kasuruan, wosama' kakailekan iow sa kinéréano miow eng katouan akar ing kauré-uré.

1 Yohanes 5:13 ပူးပေါင်းရင်းမြစ်များ

Yohanes 1:12

Taan sé tou tumerima wo mercaya ai Sia, séra wéan oka hak wosama' mamuali toya-toyaang i Amang Kasuruan.

Yohanes 2:23

Wo ang karoro'an i Yesus an Yerusalem ang kauréke' in endo wangko' Paska, keli tou maéman ai Sia ampa'paan séra isuméréo in tuu-tuus kakaya'kaan sé niéma'-Na.

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 21:24

Si murit ituo si méé ing kasairian wo imatic andumoro' im pakasa in anio'. Wo kailekanta sapaoka eng kasairianna itu wutul.

Yohanes 3:18

Si séike' si maéman a si Toyaang-Na ra'ica ukumen i Amang Kasuruan. Taan si séike' si ra'ica maéman aitantuo i Amang Kasuruan in ukumen, ampa'paan séra ra'ica maéman a si Toyaang-Na si Esa-esa.

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Kisah Para Rasul 3:16

Katuusano miow si tou anio' si indior uréo késo'. Si tou sinéré miow anio' maémano a si Yesus, ampa'paan in ituo sia imasama' an dior iow im baya. En itu imamuali ampa'paan sia maéman a si Yesus.

Kisah Para Rasul 4:12

Si Yesuske' e ro'na lumowir sé tou. Ampa'paan ra'ica wana ngaran walina ang kayo'baan anio' e ro'na lumowir sé tou.”

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

Galatia 4:6

Wo ampa'paan kita mamualio toya-toyaang-Na, akar iru'du'-Na e Roh i Toyaang-Na muntep an atéta. Wo e Roh itu méma' icita ro'na tumowa si Amang Kasuruan, “O Abba, o Amang!”

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.

1 Yohanes 1:4

Pakasa en anio' aipatic ami wosama' en atéta wutu-wutul arui.

1 Yohanes 2:1

Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

1 Yohanes 2:21

Aipaticku en anio' ai camu, ra'ica ampa'paan kamu ra'ica makailek in sususuien wutul itu, taan ampa'paan kailekan iow en sususuien wutul itu wo ka'i kailekan iow sapaoka ra'ica wana en towo asi sususuien wutul itu.

1 Yohanes 2:25

Wo si anioo en aijanji-Nao in esa ai cita: kita menonou oka akar ing kauré-uré.

1 Yohanes 2:26

Pakasa sé aipatickuo anio', andumoro' é tou sé rumaméji in sumélé'kow icamu.

1 Yohanes 3:23

Wo si anio' em perénta-Na: Kita musti maéman a si Toyaang-Na Yesus Kristus wo kita ka'i musti meupu-upusan tanu en aiperénta i Yesus Kristus ai cita.

1 Yohanes 4:9

Tana'i en upus aituru' i Amang Kasuruan ai cita: Ayutus-Nao si Toyaang-Na in esa ang kayo'baan anio', wosama' a si Toyaang-Na ituo kita makéré ing katouan.

1 Yohanes 5:10

Si séi si maéman a si Toyaang i Amang Kasuruan, sia itumerimao ing kasairian itu an aténa. Taan si séi e ra'ica maéman a si Amang Kasuruan, sia iméma'o si Amang Kasuruan kotowo ampa'paan sia ra'ica maéman ing kasairian i Amang Kasuruan andumoro' si Toyaang-Na itu.

1 Yohanes 5:11

Eng kasairian itu icumua in tana'i: Si Amang Kasuruan imééo mai ing katouan akar ing kauré-uré ai cita, wo eng katouan akar ing kauré-uré itu kéréanta ampa'paan maéman a si Toyaang-Na.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.