1 Yohanes 5:10 - En Taar Weru a nunuwu' é Tontemboan

¹⁰ Si séi si maéman a si Toyaang i Amang Kasuruan, sia itumerimao ing kasairian itu an aténa. Taan si séi e ra'ica maéman a si Amang Kasuruan, sia iméma'o si Amang Kasuruan kotowo ampa'paan sia ra'ica maéman ing kasairian i Amang Kasuruan andumoro' si Toyaang-Na itu.

1 Yohanes 5:10 ပူးပေါင်းရင်းမြစ်များ

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Yohanes 3:18

Si séike' si maéman a si Toyaang-Na ra'ica ukumen i Amang Kasuruan. Taan si séike' si ra'ica maéman aitantuo i Amang Kasuruan in ukumen, ampa'paan séra ra'ica maéman a si Toyaang-Na si Esa-esa.

Yohanes 3:33

Taan si séike' si tou si mercaya sé ipengua-ngua-Na itu tantu pinangakunao sapaoka si Amang Kasuruan itu wutul.

Yohanes 5:38

wo en taar-Na ra'ica aiwéé miow an dékén, ampa'paan ra'ica percayan iow Aku si ayutus-Na mai.

Kisah Para Rasul 8:37

Wo isowat i Filipus, “Sa si tuang maéman a si Yesus Kristus ang karapi in lekep en até, ro'nao baptisen.” Isowat i kikiiten itu, “Yaku wutu-wutul maéman sa si Yesus Kristus itu Toyaang i Amang Kasuruan.”]

Roma 8:16

Wo e Roh i Amang Kasuruan itu kumetero in atéta sapaoka kita toya-toyaang i Amang Kasuruan.

Galatia 4:1

Em peangé-angénku tana'i: En andéanna, awéan esa tou makéré oka im bagéan asi amangna. Taan sa sia toyaangé', sia ra'ipé' toro makéré im bagéan itu mandé ka'i sia awéan hak e makéré in itu. Sia kaputépé' wo si esa tou ata si ra'ica wana hak e makéré im bagéan asi tuangna.

Galatia 4:6

Wo ampa'paan kita mamualio toya-toyaang-Na, akar iru'du'-Na e Roh i Toyaang-Na muntep an atéta. Wo e Roh itu méma' icita ro'na tumowa si Amang Kasuruan, “O Abba, o Amang!”

Kolose 3:3

Ampa'paan kamu tanu imatéo wo eng katouan iow aicaenep mewali-wali wo si Kristus ang karapi i Amang Kasuruan.

Ibrani 3:12

Anaé, é poo-poow, mareti-retio mangé oréoka awéan esaan ai camu makaaté in léwo' wo ra'io ka'i maéman, akar sia sumali'si' wo tumayang asi Amang Kasuruan si menonou.

2 Petrus 1:19

Sapa en sinéré wo lininga ami itu, iméma'o icami makaawes mercaya in abar ang Kitap Le'nas andumoro' i Kristus sé ipakuao é nabi indior. En abar é nabi itu tanuoka in sosoloan masendot ang kariréimbengan. En sosoloan itu masendot akar mai en sendot in endo imamoondo wo en sendot i Kristus matélang an untep in até miow, tanuoka si lolouren imaali mai sendot ang kayo'baan. Sa en abar itu uli-ulit pawéan iow rékén, icamu iméma'o im butul.

1 Yohanes 1:10

Sa icuata sapaoka kita ra'ica kawisa mako méma' ing kamesé-meséaan, en itu meputéo icuata Sia itu kotowo wo en Taar-Na ra'ica an atéta.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

Wahyu 12:17

Wo si wéwéné itu cae'bow i naga, wo mangé serangenna sé taranak walina i wéwéné itu. Séra ituo sé tou makiit in ukum-ukum i Amang Kasuruan wo mawéé ing ka- sairian andumoro' si Yesus.

Wahyu 2:17

Si séi si makalunteng, aweso taré sia luminga sapa en aicua i Roh a sé jamaat: Si séi si muntung, sia wéan-Ku oka kakanen manna si pakaenepé', wo wéan-Ku oka ka'i sia watu kulo' si pinatican i ngaran weru. E ngaran weru itu ra'ica wana e makailek, wayake' si tumerima.”

Wahyu 2:28

Wo iwéé-Ku oka ka'i ai sia si lolouren.