1 Yohanes 4:9 - En Taar Weru a nunuwu' é Tontemboan

⁹ Tana'i en upus aituru' i Amang Kasuruan ai cita: Ayutus-Nao si Toyaang-Na in esa ang kayo'baan anio', wosama' a si Toyaang-Na ituo kita makéré ing katouan.

1 Yohanes 4:9 ပူးပေါင်းရင်းမြစ်များ

Markus 12:6

Si aicatela'u waya oka in esa tou, si toyaang ipaupu-upusna. Sumiwakio', ru'du'na si toyaangna mangé ai séra, icuana, ‘Sa si toyaangku in esa tantu siriin éra oka.’

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Yohanes 10:10

Si rombit maai asaloke' i rumombit, wo mengapaté wo en luméwo'. Taan Aku mai wosama' séra makéré ing katouan si wuta ing kamang.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Yohanes 3:18

Si séike' si maéman a si Toyaang-Na ra'ica ukumen i Amang Kasuruan. Taan si séike' si ra'ica maéman aitantuo i Amang Kasuruan in ukumen, ampa'paan séra ra'ica maéman a si Toyaang-Na si Esa-esa.

Yohanes 5:23

Niéma' i Amang taniitu wosama' pakasa en tou sumiri' si Toyaang-Na kaputé éra sumiri' si Amang. Si séike' si ra'ica sumiri' si Toyaang-Na, sia ka'i ra'ica sumiri' si Amang si mutusai si Toyaang.

Yohanes 6:29

Isowat i Yesus a sé tou keli, “Si anioo en icasalé' i Amang Kasuruan émaan iow: Percayano mai Aku si ayutus-Na mai.”

Yohanes 6:51

Yakuo eng kakanen si mawéé ing katouan si tumumpao mai an sorga owo. Sa si tou kuman ing kakanen anio', sia menonou oka akar ing kauré-uré. Eng kakanen si wéé-Ku itu, siituo en owak-Ku si iwéé-Ku oka a sé tou ang kayo'baan wosama' séra ro'na menonou akar ing kauré-uré.”

Yohanes 6:57

Si Amang-Ku palemboian ing katouan. Siao si mutusai Aku, wo Aku menonou ampa'paan i Amang. Taniitu ka'i si séike' eng kuman in owak-Ku menonou oka akar ing kauré-uré ampa'paan Yaku.

Yohanes 8:29

Wo Sia si mutusai Yaku, mewali-wali wo Yaku. Ra'ica kawisa wo iwaya-Na Yaku in esa, ampa'paan sapa sé pengéma-ngémaan-Ku maarui in até-Na.”

Yohanes 8:42

Icua i Yesus ai séra, “Sa si Amang Kasuruan itu Amang iow, tantu kamu maupus oka Yaku, ampa'paan Yaku mai asi Amang Kasuruan owo wo intarépé' Aku am bia'i. Ra'ica kasalé'an-Ku in esa e mai, taan Sia e mutusai Yaku.

Yohanes 9:3

Isowat i Yesus, “Sia wola taniitu, ra'ica ampa'paan ing kamesé-meséaanna kuma'pa ing kamesé-meséaan é matu'ana. Taan sia wola wosama' ro'na sérén é tou eng kawasa i Amang Kasuruan matawoi ai sia.

Roma 8:32

Si Toyaang-Na in esa ra'ica pena-nangen-Na en sumangkum ing kawenduan taan aisarakan-Na torona kita im baya. Sa taniitu, tantu iwéé-Na oka ai cita em baya-waya mewali-wali wo Sia.

Ibrani 1:5

Ampa'paan ra'ica kawisa mako si Amang Kasuruan kumua a sé malaékat, meputé si aicua-Na a si Toyaang-Na tana'i, “Icoo si Toyaang-Ku asi endo anio' Aku imamualio Amang-Mu.” Wo ra'ica kawisa mako ka'i Sia kumua a sé malaékat in tana'i, “Yaku mamuali oka Amang-Na wo Sia mamuali oka Toyaang-Ku.”

1 Yohanes 3:16

Kailekanta en upus wutul asi Kristus owo. Aiwéé-Nao en owak-Na akar imaté toronata. Ampa'paan in ituo kita musti méé in owakta akar imaté torona é poo-poowta.

1 Yohanes 4:10

Si anioo en upus itu: Ra'ica icita si ririor imaupus si Amang Kasuruan, taan Siao si ririor mengaupus icita. Ampa'paan ituo ayutus-Na mai si Toyaang-Na wosama' eng kamesé-meséaanta kaampungan ampa'paan i Toyaang-Na itu.

1 Yohanes 4:16

Kita makatuuso wo mercayao in upus i Amang Kasuruan ai cita. Si Amang Kasuruan itu e makaanu in upus. Si séi si mengaupus sé tou walina, sia itu imeesa wo si Amang Kasuruan, wo si Amang Kasuruan ka'i meesa wo sia.

1 Yohanes 5:11

Eng kasairian itu icumua in tana'i: Si Amang Kasuruan imééo mai ing katouan akar ing kauré-uré ai cita, wo eng katouan akar ing kauré-uré itu kéréanta ampa'paan maéman a si Toyaang-Na.

1 Yohanes 5:13

Aipaticku waya en itu ai camu sé maéman a si Toyaang i Amang Kasuruan, wosama' kakailekan iow sa kinéréano miow eng katouan akar ing kauré-uré.