1 Yohanes 4:7 - En Taar Weru a nunuwu' é Tontemboan

⁷ Poo-poow sé icaupusku, mayo kita meupu-upusan, ampa'paan en upus itu asi Amang Kasuruan owo. Wo si séike' e meupu-upusan, sia itu asi Amang Kasuruan owo wo katuusan-Na.

1 Yohanes 4:7 ပူးပေါင်းရင်းမြစ်များ

Yohanes 13:34

Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

1 Korintus 8:3

Taan sa si tou mengaupus si Amang Kasuruan, tantu sia katuusan oka i Amang Kasuruan.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

Galatia 4:9

Taan intarépé' Sia kinatuusano miow, kuma'pa lébé loor kamu patuulen katuusano i Amang Kasuruan. Kéitu réén kamu masalé'ke' maréng sumawel sumelewir a sé roh ing kayo'baan sé ra'ica keter wo lengéi? Kéitu réén kamu masalé'pé' mengaata in owak a sé roh itu?

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

2 Timotius 1:7

Ampa'paan si Amang Kasuruan ra'ica méé i Roh-Na ai cita wosama' kita maindé', taan iwéé-Na e Roh-Na wosama' en atéta maketer, wo ro'na mengaupus sé tou walina wo ka'i iméma' icita ro'na kumawasa in owakta in esa.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Yohanes 2:10

Si séi si mengaupus si poowna, sia wutu-wutul an sendot wo ra'ica wana an owakna e ro'na méma' sé tou walina icasélé'kow akar méma' ing kameséaan.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.

1 Yohanes 2:4

Si séi si mengakua, “Katuusanku si Amang Kasuruan” taan ra'ica mengakiit im perénta-Na, sia itu kotowo wo en sususuien wutul ra'ica an aténa.

1 Yohanes 2:7

Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

1 Yohanes 3:9

En tou si mamualio toyaang i Amang Kasuruan, sia itu ra'- io mengéma-ngéma' ing kamesé-meséaan ampa'paan em peri i Amang Kasuruan menonou an owakna. Sia ra'io ka'i mengéma-ngéma' ing kamesé-meséaan, ampa'paan sia imamualio toyaang-Na.

1 Yohanes 4:11

Poo-poow icaupusku, sa tanu siituo en upus i Amang Kasuruan ai cita, kita ka'i musti meupu-upusan angé.

1 Yohanes 4:12

Ra'ica wana tou mandé esake' en sumangkumo isumeré si Amang Kasuruan. Taan sa kita meupu-upusan, si Amang Kasuruan meesa wo icita wo en upus-Na lekep ang katouanta.

1 Yohanes 4:16

Kita makatuuso wo mercayao in upus i Amang Kasuruan ai cita. Si Amang Kasuruan itu e makaanu in upus. Si séi si mengaupus sé tou walina, sia itu imeesa wo si Amang Kasuruan, wo si Amang Kasuruan ka'i meesa wo sia.

1 Yohanes 4:20

Sa awéan tou kumua, “Yaku mengaupus si Amang Kasuruan,” taan icasuutna si poowna, sia itu tumowoo. Ampa'paan si séike' si ra'ica mengaupus si poow pakasérénna, tantu ra'ica kawisa sia mengaupus si Amang Kasuruan si ra'ica kaséréanna.

1 Yohanes 4:8

Taan si séi si ra'ica mengaupus, sia ra'ica makatuus si Amang Kasuruan ampa'paan si Amang Kasuruan ituo e makaanu in upus.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

2 Yohanes 1:5

Wo intarépé' pangilekenku a si inang wosama' icita im baya meupu-upusan. Em pinangilekku anio' ra'ica perénta weru, taan perénta anio' ai citao tumo'tolai asi kataré-taré an tutuw kita werupé' maéman.