1 Yohanes 4:2 - En Taar Weru a nunuwu' é Tontemboan

² Uluren tana'i wosama' ro'na kakailekanta sapaoka e Roh itu Roh i Amang Kasuruan kuma'pa ra'ica: Si tou mangaku sa si Yesus Kristus maai ang kayo'baan mamuali tou, si tou itu makaanu i Roh asi Amang Kasuruan owo.

1 Yohanes 4:2 ပူးပေါင်းရင်းမြစ်များ

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

1 Korintus 12:3

Ampa'paano in itu, musti kailekan iow sapaoka si tou paakinen i Roh i Amang Kasuruan, sia ra'ica kawisa kumua in tana'i, “Kinutuko si Yesus!” Taniitu ka'i ra'ica wana mandé esake' tou e ro'na kumua “Si Yesus itu Kasuruan” sa sia ra'ica pakaakinen i Roh Le'nas.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

1 Yohanes 1:2

En Taar si mengawéé ing katouan itu mewali-wali wo si Amang an sorga. Sia imayo wo sinéréo ami. Ampa'paan in itu aisairi ami wo icua ami ai camu andumoro' ing katouan akar ing kauré-uré.

1 Yohanes 2:23

Si séi si mengasangkal si Toyaang, sia ra'ica wana Amang. Taan si séi si mangaku si Toyaang, tantu sia makaanu si Amang.

1 Yohanes 4:15

Si séi e mangaku sa si Yesus itu Toyaang i Amang Kasuruan, si Amang Kasuruan kasake' meesa wo isia wo sia ka'i esa wo si Amang Kasuruan.

1 Yohanes 4:3

Taan si tou ra'ica mangaku andumoro' si Yesus, sia ra'ica makaanu i Roh asi Amang Kasuruan owo. E roh asi tou itu roh i kaséké' i Kristus. Tantu liningao miow sapaoka e roh itu maai oka wo intarépé' sia ang kayo'baano anio'.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.