1 Yohanes 4:17 - En Taar Weru a nunuwu' é Tontemboan

¹⁷ Wo in taniitu en upus itu malekep ang katouanta, wosama' kita ra'ica maindé' meta'up si Amang Kasuruan asi endo in akimen. Kita ra'ica oka maindé', ampa'paan eng katouanta ang kayo'baan anio' puté wo eng katouan i Apo' Yesus.

1 Yohanes 4:17 ပူးပေါင်းရင်းမြစ်များ

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 11:22

Taan icua-Ku mangé ai camu, a si endo kaka'puan ing kayo'baan, en ukuman iow lébé uter wo in ukuman é tou ang kota Tirus wo en Sidon.

Matius 11:24

Taan icua-Ku mangé ai camu: Asi endo kaka'puan ing kayo'baan, en ukuman iow lébé uterai wo in ukuman é tou an Sodom itu.”

Matius 12:36

Icua-Ku ai camu, asi endo kaka'puan ing kayo'baan panowaten oka é tou pakasa é nunuwu' ra'i-ra'i sé aicua éra.

Yohanes 15:20

Ta'néieno mangé sapa sé aicua-Kuo ai camu: Si esa ata ra'ica lumébémai wo si tuangna. Sa séra imokoio Yaku, séra ka'i mokoi oka icamu. Sa émaan éra en taar-Ku, émaan éra oka ka'i sé aicua miow.

Yohanes 17:22

Aiwéé-Kuo ka'i ai séra e rarayo wo in sisiri' si aiwééo i Amang a Yaku, wosama' séra meesa, kaputé Yaku wo si Amang esa.

Roma 8:29

Ampa'paan pakasa en tou sé sinisir i Amang Kasuruan asi kataré-taré, séra itu aitantu-Nao tumo'tol asi kataré-taré e mamuali meputé wo si Toyaang-Na, wosama' Sia mamuali Toyaang luluna asé kelian poow.

Ibrani 9:27

Kaputé in tou aitantuo mai i Amang Kasuruan wayake' i makasa maté wo kumawus in itu akimen.

Yakobus 2:13

Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.

Yakobus 2:22

Ro'nao kailekan iow sapaoka sia maéman wo ka'i pengaémaanna si airu'du' i Casuruan ai sia, wo in taniitu em paémanenna a si Casuruan makaleke-lekep.

2 Petrus 2:9

Anaé, ro'na kailekanta sapaoka si Amang Kasuruan tumawang sé tou sé masiri' Sia an tutuw séra am pangepé'an, wo sume'sek sé tou léwo' in ukumen asi endo Sia mai makim pakasa in tou.

2 Petrus 3:7

Taan en langit wo eng kayo'baan intarépé' pakatéirané' i nunuwu'-Na itu, en tunun in api sa. Intarépé' en langit wo eng kayo'baan pakatéirané' akar asi endo sé tou léwo' akimen wo patén-Na.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

1 Yohanes 2:5

Taan si tou makiit in taar-Na, sia itu uli-ulit mengaupus si Casuruan. Wo ang karapi in tuus itu kailekanta sapaoka kita menonouo esa wo si Casuruan.

1 Yohanes 2:6

Si séike' mangé si mengakua sa sia imeesao wo si Casuruan, em pakatouna ka'i musti meputé wo im pakatou i Kristus.

1 Yohanes 3:1

Weroteno mio' sumama-sama', wangko' ulit en upus i Amang Kasuruan ai cita, akar cita patuulen toya-toyaang-Na. Wo ulit kita anio' toya-toyaang i Amang Kasuruan. Ampa'paano in itu sé tou makiit ing kayo'baan léwo', séra ra'ica makatuus cita' ampa'paan séra ra'ica makatuus si Amang Kasuruan.

1 Yohanes 3:3

Sé tou maarap tanu siitu ai Sia, musti téiranna sumama-sama' eng katouanna wosama' le'nas meputé wo si Kristus itu le'nas.

1 Yohanes 3:7

Toya-toyaangku, kamu ra'ica toro isélé'kow é tou walina. Séi si maéma' im butul, sia itu tou wutul puté wo si Kristus itu wutul.

1 Yohanes 4:12

Ra'ica wana tou mandé esake' en sumangkumo isumeré si Amang Kasuruan. Taan sa kita meupu-upusan, si Amang Kasuruan meesa wo icita wo en upus-Na lekep ang katouanta.