1 Yohanes 4:14 - En Taar Weru a nunuwu' é Tontemboan

¹⁴ Wo sinéréo ami in esa wo sinairi ami sa si Amang imutuso si Toyaang-Na mai lumowir ing kayo'baan anio'.

1 Yohanes 4:14 ပူးပေါင်းရင်းမြစ်များ

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Yohanes 10:36

kéitu réén ipakua miow Aku maojat si Amang Kasuruan, tutuw-Ku makua Yaku anio' Toyaang i Amang Kasuruan? Yaku si sinisir-Na wo ayutus-Na mai ang kayo'baan.

Yohanes 12:47

Sé tou luminga sé ipakua-Ku, taan ra'ica paémaanna, ra'ica Yaku e makim iséra. Ampa'paan Yaku mai ang kayo'baan anio' ra'ica i makim sé tou taan en lumowir séra.

Yohanes 3:11

En ulitna icua-Ku mangé ai co, ipakua ami sapa sé kailekan ami, wo em pasairi ami sapa sé sinéréo ami, taan kamu sé kikiiten é tou Yahudi ra'ica kiim tumerima ing kasairian ami.

Yohanes 3:32

Sia sumairi andumoro' sapa sé sinéréo wo sapa sé lininga-Nao, taan ra'ica ka'i wana esa tou e mercaya sé ipengua-ngua-Na itu.

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Yohanes 4:42

Icua éra a si wéwéné itu, “Percayaan ami si Yesus ra'icake' ampa'paan sé aicuamu asi kaawii makasa, taan ampa'paan intarépé' icami in esa lumingao Sia. Kailekan amio sa Sia itu wutu-wutul Lumolowir é tou.”

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Kisah Para Rasul 18:5

An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior.

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.

1 Yohanes 4:10

Si anioo en upus itu: Ra'ica icita si ririor imaupus si Amang Kasuruan, taan Siao si ririor mengaupus icita. Ampa'paan ituo ayutus-Na mai si Toyaang-Na wosama' eng kamesé-meséaanta kaampungan ampa'paan i Toyaang-Na itu.

1 Yohanes 5:9

Kanaramen terimanta eng kasairian é tou, taan eng kasairiané' i Amang Kasuruan en lébé keterai wo ing kasairian é tou, anaé en lébé ro'na terimanta eng kasairian i Amang Kasuruan andumoro' i Toyaang-Na.