1 Yohanes 4:11 - En Taar Weru a nunuwu' é Tontemboan

¹¹ Poo-poow icaupusku, sa tanu siituo en upus i Amang Kasuruan ai cita, kita ka'i musti meupu-upusan angé.

1 Yohanes 4:11 ပူးပေါင်းရင်းမြစ်များ

Lukas 10:37

Isowat i tou itu, “Tantu karu' si tou Samaria si tumuru'o ing kaupusanna a si tou itu.” Wo icua i Yesus ai sia, “Ulit en aicuamu itu! Anaé, intarépé' mangém wo émaano mangé tanu siitu.”

Yohanes 13:34

Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Efesus 4:31

Itela'uo mio' eng kasuutan, kae'bowan akar ing karangoan, kae'bowan, meindo-indoan roma', mengawuruk i ngaran é tou, taniitu ka'i mai pakasa sé léwo'.

Kolose 3:13

Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.

1 Yohanes 2:7

Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

1 Yohanes 3:11

Si anioo en abar si liningao miow tumo'tolai indior an tutuw kamu werupé' maéman: kita musti meupu-upusan.

1 Yohanes 3:23

Wo si anio' em perénta-Na: Kita musti maéman a si Toyaang-Na Yesus Kristus wo kita ka'i musti meupu-upusan tanu en aiperénta i Yesus Kristus ai cita.

1 Yohanes 4:7

Poo-poow sé icaupusku, mayo kita meupu-upusan, ampa'paan en upus itu asi Amang Kasuruan owo. Wo si séike' e meupu-upusan, sia itu asi Amang Kasuruan owo wo katuusan-Na.

2 Yohanes 1:5

Wo intarépé' pangilekenku a si inang wosama' icita im baya meupu-upusan. Em pinangilekku anio' ra'ica perénta weru, taan perénta anio' ai citao tumo'tolai asi kataré-taré an tutuw kita werupé' maéman.