1 Yohanes 4:1 - En Taar Weru a nunuwu' é Tontemboan

¹ Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.

1 Yohanes 4:1 ပူးပေါင်းရင်းမြစ်များ

Markus 13:21

Asi témpo itu, sa awéan tou kumua ai camu, ‘Sérén, Si Mesias am bia'i!’ kuma'pa ‘Sérén, Si Mesias am bitu!’, tioo percayan iow en itu.

Lukas 12:57

Icua ka'i i Yesus, “Kamu in esa musti makawoo musé' wisa si wutul!

Lukas 21:8

Isowat i Yesus, “Matéi-téiro mangé kamu, wosama' kamu ra'- ica sélé'kow é tou. Ampa'paan kelian sé tou e maai sa wo mangaku sapaoka séra itu Yaku. Icua éra in tana'i, ‘Yakuo si Kristus!’ Wo icua éra ka'i, ‘En endo kaka'puan ing kayo'baan makatawio!’ Taan tioo percayan iow séra.

Kisah Para Rasul 17:11

Sé tou Yahudi am Berea lébé imawuka' em bewerot, ra'ica tanu sé tou Yahudi an Tesalonika. Ampa'paano in itu icasalé' éra keli en luminga wo tumerima in taar i Amang Kasuruan. Wo susur in endo pengati'tiren éra eng Kitap Le'nas e makailek sa en sususuien i Paulus wutul kuma'pa ra'ica.

Kisah Para Rasul 20:29

Kailekanku sa kamu itela'uku, sé tou i makaperi meputé wo sé serigala luméwo-léwo' muntep oka an uner iow. Raméjin éra tumeri sé jamaat si pakatéiran iow itu.

1 Korintus 12:10

Wo a si tou walina winéanai i Roh, kamang aitambér e mengaéma' ing kakaya'kaan, a sé tou walina winéan-Na mai kamang aitambér eng kumua in Taar i Amang Kasuruan. A sé tou walina ka'i winéan-Na mai kamang aitambér e makailek si wisa en taar aicua i Roh i Amang Kasuruan wo si wisa en aicua i roh léwo'. Awéan ka'i sé winéan-Na mai kamang aitambér e maroma' i nunuwu' i roh, wo sé walina ka'i winéan-Na mai kamang aitambér e makawoo in tumutur ing kaangéan i nunuwu' i roh itu.

1 Korintus 14:29

Taniitu ka'i wo sé nabi, lébé loor wayake' in dua kuma'pa telu tou ai séra eng kumua in taar i Amang Kasuruan wo sé tou walina oka manilai sapa em ipakua éra itu.

1 Tesalonika 5:20

Wo tioo pengaepesen iow im beren e nunuwu' i Casuruan sé aicuao é nabi ai camu.

1 Tesalonika 5:21

Taan ujin iow in sumama-sama' em pakasa in itu. Sa en itu uli-ulit asi Casuruan owo, terimano mangé wo kiiteno mangé i mauli-ulit.

2 Tesalonika 2:2

wosama' kamu ra'ica toro taporak mabingo wo ra'io makaaté in sama' sa kamu luminga in abar sapaoka an orasnao si Apo' Yesus maai sumawel. Wo awéan wona' e maanggap sa si Casuruan cumuao ai cami sapaoka Sia imayo sumawel. Kuma'pa awéan wona' ka'i maanggap sapaoka kami in esao eng kumua kuma'pa e matic in abar itu. En ulitna ra'ica.

1 Timotius 4:1

Icua i Roh Le'nas ang karapi i mauli-ulit, sa matawio en endo kaka'puan ing kayo'baan, awéan oka tou sé maémano a si Casuruan, ra'io ka'i maéman ai Sia. Sé tou itu makiit oka sé sétang wo masélé'kow in tou wo ka'i mengaéma' oka in sususuien é sétang.

2 Timotius 3:13

Taan sé tou léwo' wo sé tou mengauwak, séra itu makaléwo' oka. Séra mengauwak sé tou, taniitu ka'i wo sé tou walina maréng sumawel sumuli' muwak iséra.

2 Petrus 2:1

Indior, an uner é tou i Amang Kasuruan, imapaturu'o sé nabi ra'ica wutul. Tanu siituo ka'i an uner iow, mapaturu' oka mai ka'i sé guru ra'ica wutul. Em paangé-angén éra en sumusui in sususuien mengasélé'kow si mengawali sé tou am papaté. Sé guru ra'ica wutul itu mengakélong si Apo' Yesus si Makakawasa si tumu'buso ing kamesé-meséaan éra. Ampa'paano in itu, séra makala'us oka patén.

1 Yohanes 2:18

Toya-toyaangku, asi oras anio' makatawio en endo kaka'puan ing kayo'baan. Wo sumangkumo lininga miow sapaoka maai oka si kaséké' i Kristus, wo intarépé' kelio sé kaséké' i Kristus mapaturu'o mai. Wo in taniitu kakailekantao sa si endo kaka'puan ing kayo'baan makatawio.

1 Yohanes 2:7

Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.

Wahyu 2:2

Kailekan-Ku sapa sé niéma' miow, kamu tumawoio mai in uter ang kerapi ing kale'tekan. Kailekan-Ku ka'i kamu ra'ica talesen makaséré sé tou léwo'. Tini'tiro miow sé tou sé makua sapaoka séra ruru'du'an, taan en ulitna ra'ica tanu siitu, wo kinailekano miow séra itu kotowo.