1 Yohanes 3:9 - En Taar Weru a nunuwu' é Tontemboan

⁹ En tou si mamualio toyaang i Amang Kasuruan, sia itu ra'- io mengéma-ngéma' ing kamesé-meséaan ampa'paan em peri i Amang Kasuruan menonou an owakna. Sia ra'io ka'i mengéma-ngéma' ing kamesé-meséaan, ampa'paan sia imamualio toyaang-Na.

1 Yohanes 3:9 ပူးပေါင်းရင်းမြစ်များ

Matius 7:18

En tuura loor ra'ica kawisa mua' ra'ica loor wo en tuura ra'ica loor ra'ica kawisa mua' loor.

Yohanes 1:13

Séra mamuali toya-toyaang i Amang Kasuruan ra'ica ampa'paan é matu'a éra, kuma'pa im basa wo ing kasalé'an i tou. Taan si Amang Kasuruan in esa e méma' iséra mamuali toya-toyaang-Na.

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Kisah Para Rasul 4:20

Ampa'paan kami ra'ica toro mento' mengua-ngua andumoro' in sapa sé sinéréo wo liningao ami.”

Roma 6:2

Tantu ra'- ica toro! Ampa'paan kita tanu tou imatéo si ra'io pakakawasan ing kamesé-meséaan. Ampa'paan in ituo, kita ra'io menonou mengéma-ngéma' ing kamesé-meséaan.

Galatia 5:17

Ampa'paan eng kasalé'an léwo' an owak tatapke' mensunduran wo ing kasalé'an i Roh Le'nas. Wo eng kasalé'an i Roh Le'nas mensunduran wo ing kasalé'an léwo' an owak. Sé rua itu mensali'si'anke', akar ra'ica kaémaan iow in andumoro' sé loor sé wutu-wutul icasalé' miow émaan.

Titus 1:2

Ra'ipé' niéma' i Amang Kasuruan eng kayo'baan, Sia ijumanjio sapaoka Sia méé oka mai ing katouan akar ing kauré-uré a sé im pakasa in tou. Wo en janji-Na itu tantu mamuali, ampa'paan Sia ra'ica kawisa tumowo. Wo ampa'paano im paarapen in janji e makéré ing katouan akar ing kauré-uré siituo em patuuran im pasusuiku a sé tou maéman.

1 Petrus 1:23

Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

1 Yohanes 3:6

Si tou kasake' menonou meesa ang karapi-Na, si tou itu ra'io ka'i mengaéma' ing kamesé-meséaan. Taan si tou mengaéma'pé' ing kamesé-meséaan, sia itu ra'ipé' isuméré si Yesus wo ra'ica makatuus Sia.

1 Yohanes 4:7

Poo-poow sé icaupusku, mayo kita meupu-upusan, ampa'paan en upus itu asi Amang Kasuruan owo. Wo si séike' e meupu-upusan, sia itu asi Amang Kasuruan owo wo katuusan-Na.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.

1 Yohanes 5:4

Kita anio' mamualio toya-toyaang i Amang Kasuruan, ampa'paan in itu kawooanta kumala si léwo' asi cayo'baan anio'. Wo kita muntung ampa'paan kita maéman a si Casuruan.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.