1 Yohanes 3:7 - En Taar Weru a nunuwu' é Tontemboan

⁷ Toya-toyaangku, kamu ra'ica toro isélé'kow é tou walina. Séi si maéma' im butul, sia itu tou wutul puté wo si Kristus itu wutul.

1 Yohanes 3:7 ပူးပေါင်းရင်းမြစ်များ

Matius 5:20

Icua-Ku mangé ai camu, sa ra'ica émaan iow eng kasalé'an i Amang Kasuruan lumébémai asé makailek wutul in Torat wo sé tou Farisi, en ulitna kamu ra'ica kawisa muntep ang Kakolanoan in Sorga.”

Lukas 1:75

Wo ang kauréta menonou ang kayo'baan, kita musti menonou le'nas, wo asalo mengéma-ngéma' im butul si casalé' i Casuruan.

Kisah Para Rasul 10:35

Teriman-Na waya sé tou am pakasa im bangsa sé maapo' ai Sia wo sé mengaéma' im butul.

Roma 2:13

Ampa'paan ra'ica sé tou e malinga in ukum Torat sé wutul an dior i Amang Kasuruan, taan sé tou mengaéma' in atoran-atoran an ukum Torat ituo sé anggapen wutul an dior i Amang Kasuruan.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

Efesus 5:6

Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

Efesus 5:9

ampa'paan sa kamu menonou an sendot em pengaémaan iow asalo andumoro' sé loor, sé ra'ica marapit wo sé wutul.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Ibrani 1:8

Taan andumoro' i Toyaang itu, icua i Amang Kasuruan tana'i, “Ico ituo si Amang Kasuruan. Asi palukutan-Mu, Ico merénta oka a sé tou-Mu akar ing kauré-uré. Wo Ico merénta oka a sé tou-Mu ang kakolanoan-Mu ang karapi in da'ica marapit.

Ibrani 7:2

Wo iwéé i Abraham a si Melkisedek sangapepulu' asé im pakasa sé kinaandétan am paperangan. Eng kaangéan i ngaran i Melkisedek “kolano ra'ica marapit.” Wo sia “kolano ing kaeluran”, ampa'paan sia kolano ang kota Salem eng kaangéanna kaeluran.

Yakobus 1:22

Tioo kamu asaloke' mengalinga in Taar i Casuruan, taan musti pengaémaan iow. Sa en Taar itu ra'ica pengaémaan iow, en itu meputéke' kamu imuwako in owak iow in esa.

Yakobus 2:19

Percayan iow sapaoka waya in esa si Amang Kasuruan, en itu loor! Taan sé sétang ka'i mercaya andumoro' in itu wo séra gume'ger in indé'.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

1 Yohanes 2:1

Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

1 Yohanes 2:26

Pakasa sé aipatickuo anio', andumoro' é tou sé rumaméji in sumélé'kow icamu.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

1 Yohanes 3:18

Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.

1 Yohanes 3:3

Sé tou maarap tanu siitu ai Sia, musti téiranna sumama-sama' eng katouanna wosama' le'nas meputé wo si Kristus itu le'nas.

1 Yohanes 4:17

Wo in taniitu en upus itu malekep ang katouanta, wosama' kita ra'ica maindé' meta'up si Amang Kasuruan asi endo in akimen. Kita ra'ica oka maindé', ampa'paan eng katouanta ang kayo'baan anio' puté wo eng katouan i Apo' Yesus.