1 Yohanes 3:6 - En Taar Weru a nunuwu' é Tontemboan

⁶ Si tou kasake' menonou meesa ang karapi-Na, si tou itu ra'io ka'i mengaéma' ing kamesé-meséaan. Taan si tou mengaéma'pé' ing kamesé-meséaan, sia itu ra'ipé' isuméré si Yesus wo ra'ica makatuus Sia.

1 Yohanes 3:6 ပူးပေါင်းရင်းမြစ်များ

2 Korintus 3:18

Intarépé' en amota im baya ra'io pakatutuwan ing kaéng wo icita masendot in télang i Casuruan. Wo ampa'paano in itu icita peroba-roban mamuali tanu Sia, menguré-uré icita makatélango. Eng katélang itu asi Casuruan owo, Siao e Roh.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.

1 Yohanes 2:4

Si séi si mengakua, “Katuusanku si Amang Kasuruan” taan ra'ica mengakiit im perénta-Na, sia itu kotowo wo en sususuien wutul ra'ica an aténa.

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

1 Yohanes 3:9

En tou si mamualio toyaang i Amang Kasuruan, sia itu ra'- io mengéma-ngéma' ing kamesé-meséaan ampa'paan em peri i Amang Kasuruan menonou an owakna. Sia ra'io ka'i mengéma-ngéma' ing kamesé-meséaan, ampa'paan sia imamualio toyaang-Na.

1 Yohanes 4:8

Taan si séi si ra'ica mengaupus, sia ra'ica makatuus si Amang Kasuruan ampa'paan si Amang Kasuruan ituo e makaanu in upus.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.