1 Yohanes 3:21 - En Taar Weru a nunuwu' é Tontemboan

²¹ Poo-poow sé icaupusku, sa en atéta ra'ica mendam imeséa', kita tioo maindé' mangé rumuru a si Amang Kasuruan.

1 Yohanes 3:21 ပူးပေါင်းရင်းမြစ်များ

Roma 14:22

Sa percayan iow em pengaémaan iow itu ra'ica meséa', émaano mangé en itu an diorke' i Amang Kasuruan wo torona in owak iow in esa. Pakakamangen sé tou ra'ica mendam i meséa' an tutuw sia méma' sapa si anggapenna wutul.

1 Korintus 4:4

Pawerotenku, aku ra'ica wana kaséaan sapa-sapa, taan en itu ra'ica mamuali tuus sapaoka aku wutu-wutul ra'ica meséa. Si Apo' Yesuske' in esa en tumantu mai yaku meséa' kuma'pa ra'ica.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

Efesus 3:12

Intarépé' kita ra'io ka'i maindé-indé' rumuru a si Amang Kasuruan, ampa'paan icita maémano a si Kristus Yesus wo meesao wo Sia.

1 Timotius 2:8

Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 4:16

Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

1 Yohanes 2:7

Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

1 Yohanes 3:20

Mandé ka'i en atéta mendam i meséa', taan si Amang Kasuruan e wangko' mai wo in atéta wo kailekan-Na em baya-waya.

1 Yohanes 4:17

Wo in taniitu en upus itu malekep ang katouanta, wosama' kita ra'ica maindé' meta'up si Amang Kasuruan asi endo in akimen. Kita ra'ica oka maindé', ampa'paan eng katouanta ang kayo'baan anio' puté wo eng katouan i Apo' Yesus.

1 Yohanes 5:14

Wo kita ra'ica maindé' meta'up wo Sia, ampa'paan sa kita sumombayang kumiit ing kasalé'an-Na, percayanta lingan-Na oka sapa em pangilekenta.