1 Yohanes 3:20 - En Taar Weru a nunuwu' é Tontemboan

²⁰ Mandé ka'i en atéta mendam i meséa', taan si Amang Kasuruan e wangko' mai wo in atéta wo kailekan-Na em baya-waya.

1 Yohanes 3:20 ပူးပေါင်းရင်းမြစ်များ

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Yohanes 8:9

An tutuw éra luminga sapa sé aicua-Na itu, séra tumo'tol asé matu'a keli maesa-esa tumela'u in tampa itu. Wo tumela'uio' si Yesus oka in esa wo si wéwéné itu si makatulung an dior-Na.

Kisah Para Rasul 5:33

Kelinga in itu, sé anggota Mahkamah Agama mae'bow keli. Wo séra mawasa e maté sé ruru'du'an itu.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

1 Korintus 4:4

Pawerotenku, aku ra'ica wana kaséaan sapa-sapa, taan en itu ra'ica mamuali tuus sapaoka aku wutu-wutul ra'ica meséa. Si Apo' Yesuske' in esa en tumantu mai yaku meséa' kuma'pa ra'ica.

Titus 3:11

Ampa'paan kailekanmu, sa si tou mawerot tanu siitu sia icasélé'kowo. Wo eng kamesé-meséaannao in esa en tumuru' sapaoka sia meséa' wo eng kamesé-meséaan ituo e mukum in owakna in esa.

Ibrani 4:13

Ra'ica wana mandé esake' mahluk en icaenep am beren i Amang Kasuruan. Sapa-sapake' makawuka-wuka' wo kaséré-séréan an dior-Na, wo ai Siake' kita méé im panowaten asé im pakasa sé niéma'ta.

Ibrani 6:13

Si Abraham mamuali paandéanta. An tutuw in jumanji a si Abraham, si Amang Kasuruan sumumpa ang karapi i ngaran-Na in esa ampa'paan ra'ica wana tou en lumébémai wo Sia.

1 Yohanes 3:19

Sa kita mengaupus in tou tanu siitu, ro'na kailekanta sapa- oka kita anio' menonou makiit im butul. Wo en atéta elur an dior i Amang Kasuruan.

1 Yohanes 3:21

Poo-poow sé icaupusku, sa en atéta ra'ica mendam imeséa', kita tioo maindé' mangé rumuru a si Amang Kasuruan.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.