1 Yohanes 3:2 - En Taar Weru a nunuwu' é Tontemboan

² Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

1 Yohanes 3:2 ပူးပေါင်းရင်းမြစ်များ

Matius 5:8

Pakakamangen sé tou le'nas en aténa, ampa'paan séra suméré oka si Amang Kasuruan.

Lukas 17:30

Taniituo ka'i eng katouan é tou sa, asi endo si Toyaang i Tou maai sumawel.

Lukas 20:36

Ampa'paan séra ra'io kawisa maté kaputé é malaékat sé ra'ica maté. Wo sé tou itu toya-toyaang i Amang Kasuruan ampa'paan séra tinou-Nao sumawel am papaté.

Yohanes 1:12

Taan sé tou tumerima wo mercaya ai Sia, séra wéan oka hak wosama' mamuali toya-toyaang i Amang Kasuruan.

Yohanes 11:52

wo ra'ica asaloke' sé tou Yahudi, taan ka'i en lumi'us wo meesa sé toyaang i Amang Kasuruan sé imeseraro am pakasa ing kayo'baan.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Roma 8:16

Wo e Roh i Amang Kasuruan itu kumetero in atéta sapaoka kita toya-toyaang i Amang Kasuruan.

Roma 8:18

Émanenku sapaoka eng kawenduan pasangkumenta intarépé', ra'ica ro'na ipeputé wo i rarayo wo in sisiri' si iwéé oka ai cita asi endo mengangai.

Roma 8:19

Wo ra'ica icitake' in tou, taan pakasa sé niéma' i Amang Kasuruan ang kayo'baan anio' lumeloo keli mengento-ngento' in oras i Amang Kasuruan tumuru' mai in darayo wo in sisiri' a sé toyaang-Na.

Roma 8:29

Ampa'paan pakasa en tou sé sinisir i Amang Kasuruan asi kataré-taré, séra itu aitantu-Nao tumo'tol asi kataré-taré e mamuali meputé wo si Toyaang-Na, wosama' Sia mamuali Toyaang luluna asé kelian poow.

1 Korintus 13:12

Intarépé', si Amang Kasuruan ra'ipé' katuusanta wutul, kaputé kita makaséré an cermin cumewuro, taan maai oka en témpona katuusanta oka Sia ang karapi im butul tanu kita menséréan en amo. Wo intarépé' andumoro' Sia ra'ipé' talos katuusanku, taan katuusanku oka Sia ang karapi i makakii-kiit, kaputé aku in esa wutul katuusan-Na.

1 Korintus 15:49

En owakta intarépé' meputé wo in owak i Adam si niéma' an tana' owo. Taan maai oka sa en owakta meputé wo si Kristus si an sorga owo.

1 Korintus 2:9

Ang Kitap Le'nas awéan aipatic in tana'i, “Sapa sé ra'ipé' sumangkum ako sinéré é tou, sé ra'ipé' sumangkum ako lininga, sé ra'ipé' sumangkum ako lumembo mai an até, siituo en tinu'tul i Amang Kasuruan a sé tou mengaupus Sia.”

2 Korintus 3:18

Intarépé' en amota im baya ra'io pakatutuwan ing kaéng wo icita masendot in télang i Casuruan. Wo ampa'paano in itu icita peroba-roban mamuali tanu Sia, menguré-uré icita makatélango. Eng katélang itu asi Casuruan owo, Siao e Roh.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Galatia 4:6

Wo ampa'paan kita mamualio toya-toyaang-Na, akar iru'du'-Na e Roh i Toyaang-Na muntep an atéta. Wo e Roh itu méma' icita ro'na tumowa si Amang Kasuruan, “O Abba, o Amang!”

Filipi 3:21

An tutuw Sia maai, roban-Na oka en owakta si ra'ica keter wo si ro'na materi anio', mamuali tanu in owak-Na si parayo-rayo wo pasiri-siriin. Sia ro'na méma' in itu ampa'paan Sia makaanu ing kawasa si makawoo méma' im baya-waya kumuru ai Sia.

Kolose 3:4

Si Kristuso em palemboian ing katouan iow. Wo sa Sia maai sumawel ang kayo'baan ang karapi i rarayo wo in sisiri'-Na, kamu ka'i kaséréan oka wo pekiit irayo wo in siriin mewali-wali wo Sia.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

2 Petrus 1:4

Tanu siituo si Amang Kasuruan méé mai kamang lumoo-loor wo wutu-wutul awéan wééna ai cita tanu si aijanji-Nao. Asé kama-kamang aitambér-Na ituo, kamu ro'na icawekar ang kasalé'an léwo' si mengaléwo' im peri é tou ang kayo'baan, wo em peri miow ro'na mamuali tanuoka im peri i Amang Kasuruan.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

1 Yohanes 2:7

Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

1 Yohanes 3:1

Weroteno mio' sumama-sama', wangko' ulit en upus i Amang Kasuruan ai cita, akar cita patuulen toya-toyaang-Na. Wo ulit kita anio' toya-toyaang i Amang Kasuruan. Ampa'paano in itu sé tou makiit ing kayo'baan léwo', séra ra'ica makatuus cita' ampa'paan séra ra'ica makatuus si Amang Kasuruan.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.

1 Yohanes 3:21

Poo-poow sé icaupusku, sa en atéta ra'ica mendam imeséa', kita tioo maindé' mangé rumuru a si Amang Kasuruan.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.

Wahyu 2:28

Wo iwéé-Ku oka ka'i ai sia si lolouren.

Wahyu 22:4

Wo sérén oka éra eng gio-Na, wo an tuintung éra patican oka i ngaran-Na.