1 Yohanes 3:19 - En Taar Weru a nunuwu' é Tontemboan

¹⁹ Sa kita mengaupus in tou tanu siitu, ro'na kailekanta sapa- oka kita anio' menonou makiit im butul. Wo en atéta elur an dior i Amang Kasuruan.

1 Yohanes 3:19 ပူးပေါင်းရင်းမြစ်များ

Yohanes 13:35

Sa kamu meupu-upusan, kailekan oka waya é tou, sapaoka kamu murit-murit-Ku.”

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Roma 4:21

Si Abraham uli-ulit maéman sapaoka ro'na émaan i Amang Kasaruan sapa si aijanji-Nao.

Roma 8:38

Ampa'paan percayanku keli, sapaoka em papaté kuma'pa eng katouan, sé malaékat kuma'pa kawasa-kawasa é roh léwo', sé kala'meren intarépé' kuma'pa asi endo mengangai,

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 11:13

Pakasa in tou itu maéman a si Amang Kasuruan akar séra imaté. Sera ra'ica tumerima sapa si aijanji i Amang Kasuruan, taan si aijanji itu asalo tinéinteng wo pengapé-ngapéien éra an tayang. Wo séra imangaku sapaoka séra itu asalo tou imanangkéi ang kayo'baan anio'.

1 Yohanes 1:8

Sa icuata sapaoka kita ra'ica wana kamesé-meséaan, kita imuwako in owakta in esa wo en sususuien wutul ra'ica an atéta.

1 Yohanes 2:21

Aipaticku en anio' ai camu, ra'ica ampa'paan kamu ra'ica makailek in sususuien wutul itu, taan ampa'paan kailekan iow en sususuien wutul itu wo ka'i kailekan iow sapaoka ra'ica wana en towo asi sususuien wutul itu.

1 Yohanes 3:14

Kita icumesoto asi papaté wo méra a si katouan. Kailekanta en itu ampa'paan sé poo-poow ipaupu-upusta. Taan séi si ra'ica mengaupus, sia tatap am papaté.

1 Yohanes 3:20

Mandé ka'i en atéta mendam i meséa', taan si Amang Kasuruan e wangko' mai wo in atéta wo kailekan-Na em baya-waya.

1 Yohanes 3:21

Poo-poow sé icaupusku, sa en atéta ra'ica mendam imeséa', kita tioo maindé' mangé rumuru a si Amang Kasuruan.