1 Yohanes 3:18 - En Taar Weru a nunuwu' é Tontemboan

¹⁸ Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.

1 Yohanes 3:18 ပူးပေါင်းရင်းမြစ်များ

Lukas 7:5

ampa'paan sia mengaupus sé touta tou Yahudi wo sia ka'i imanguno im balé paapo'an é agama Yahudi torona ami.”

Yohanes 17:19

Wo isarakan-Ku eng katouan le'nas-Ku en sumelewir si Amang. Niéma'-Ku en itu torona ing kalooran éra, wosama' séra ka'i ro'na sumarakan in owak en sumelewir si Amang kumiit in sususuien wutul-Mu.

Roma 12:9

Mengaupus angé sé kakélé tou ang karapi in lekep en até. Tumayango mangé ang kaléwo-léwo'an, wo mengéma-ngéma'o mangé sé loor.

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Efesus 4:15

Taan kita ra'ica tanu siitu. Timboienta sumama-sama' en sususuien wutul asi Amang Kasuruan wo meupu-upusan, akar kita makawangko' am baya-waya kaputé i Kristus. Siao si capalata.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Yohanes 2:1

Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

1 Yohanes 3:7

Toya-toyaangku, kamu ra'ica toro isélé'kow é tou walina. Séi si maéma' im butul, sia itu tou wutul puté wo si Kristus itu wutul.

2 Yohanes 1:1

En surat anio' a yaku owo si penatua an jamaat. Ipaticku en surat anio' a si inang si sinisir i Amang Kasuruan, wo ka'i a sé toyaang i inang sé icaupusku kumiit in sususuien wutul i Amang Kasuruan. Wo ra'ica yakuke' e mengaupus icamu, taan pakasa in tou sé makailek in sususuien wutul mengaupus camu.

3 Yohanes 1:1

En surat anio' a yaku owo penatua an jamaat. En surat anio' aipaticku ai co é poowku Gayus si uli-ulit icaupusku.