1 Yohanes 3:17 - En Taar Weru a nunuwu' é Tontemboan

¹⁷ Sa awéan tou en lumébé mai eng kasiyaanna wo sérénna si poowna menonou ang kawenduan taan ra'ica kiimna in tumawang, tambisa sia makua sia mengaupus si Amang Kasuruan?

1 Yohanes 3:17 ပူးပေါင်းရင်းမြစ်များ

Lukas 3:11

Isowatna, “Si séi sé makaanu rua karai, si karai esa musti iwééna a si tou ra'ica wana karai wo si séi si makaanu ing kakanen, musti mengawéténg ing kakanen a sé tou sé ra'ica wana kakanen.”

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Yakobus 2:15

En tuusna tana'i: Awéan poow iow tuama kuma'pa wéwéné ra'ica wana karai kuma'pa ra'ica awes eng kakanen susur in endo.

Yakobus 2:16

Wo icua miowke' ai sia, “Mangéo in sama', makéo mio' ing karai' kura'ber wosama' ko ra'ica kautingan, wo ka'i kumano mio' akar imawesu wosama' ko ra'ica kaareman”. En aicua miow itu ra'ica wana torona sa ra'ica winéan iow em paperlunna.

1 Yohanes 4:20

Sa awéan tou kumua, “Yaku mengaupus si Amang Kasuruan,” taan icasuutna si poowna, sia itu tumowoo. Ampa'paan si séike' si ra'ica mengaupus si poow pakasérénna, tantu ra'ica kawisa sia mengaupus si Amang Kasuruan si ra'ica kaséréanna.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.