1 Yohanes 3:16 - En Taar Weru a nunuwu' é Tontemboan

¹⁶ Kailekanta en upus wutul asi Kristus owo. Aiwéé-Nao en owak-Na akar imaté toronata. Ampa'paan in ituo kita musti méé in owakta akar imaté torona é poo-poowta.

1 Yohanes 3:16 ပူးပေါင်းရင်းမြစ်များ

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Yohanes 10:11

Yakuo si gembala sama'. Si gembala sama' sumarakan in owakna en lumowir sé dombana.

Yohanes 10:15

meputé si Amang makatuus Yaku wo ka'i si Amang katuusan-Ku. Wo isarakan-Ku en owak-Ku a sé domba-Ku.

Yohanes 13:34

Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Roma 16:4

Séra in dua misi oka maté an tutuw séra tumawang yaku. Yaku ka'i kumua i makapulu'sama' ai séra in dua, taniitu ka'i pakasa sé jamaat ra'ica tou Yahudi méé ka'i mai i makapulu'sama' ai séra.

Roma 5:8

Taan si Kristus imatéo torona icita an tutuw kita mengaéma'pé' ing kamesé-meséaan. En itu itumuru'o sapaoka eng kaupusan i Amang Kasuruan ai cita uli-ulit wangko'.

2 Korintus 4:12

Anaé, penaru-narun ami em papaté, ampa'paan in itu icamu makéré ing katouan akar ing kauré-uré.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

Efesus 5:25

Éi tuama sé icumawéngo, mengaupus angé si penanaanmu, kaputé i Kristus mengaupuso sé jamaat wo irumagés in owak-Na torona éra.

Filipi 2:17

Tumo'tolke' mai asi kataré an tutuwku kumua in Abar Kaaruien ai camu, kamu mapercaya a si Apo' Yesus wo isumarakano ing katouan iow e maéma' ing kasalé'an-Na. Anaé, mandé ka'i aku ukumen patén ampa'paan in tawoienku e mengakua in Abar Kaaruien andumoro' i Yesus Kristus ai camu, en itu ra'ica sapa-sapa. Yaku kasake' kumua imakapulu'sama' a si Amang Kasuruan wo maaru-arui oka mewali-wali wo icamu.

Filipi 2:30

ampa'paan si Epafroditus misio maté an tawoien maselewir in tawoien i Kristus. Aipetaruna en owakna en tumawang yaku tanu sawel iow ampa'paan kita mentayangan.

1 Tesalonika 2:8

Ampa'paan ing kaupusan ami ai camu, akar kami arui eng kumua in Abar Kaaruien i Amang Kasuruan ai camu. Wo ra'ica siituke,' kami ka'i arui e méé ing katouan ami ai camu, ampa'paan kamu uli-ulit icaupus ami.

Titus 2:13

Émaanta waya en itu ang karoro'anta mengento-ngento'pé' wo maarap in endo i Casuruan maai sumawel. Sia itu si Amang Kasuruan mangko-wangko', Siao si Yesus Kristus si Lumolowirta. Sia maai wuta i rarayo wo in sisiri' wo maali mai ing kamang ai cita im baya.

1 Petrus 1:18

Kailekano miow sapaoka kamu tinu'buso asi katouan uré si katouan ra'ica wana torona, sé penusu-nusuio é apo-apo' miow indior. Kamu ra'ica tinu'bus ang karapi ing kasiyaan tanu mas kuma'pa pérak, sé ro'na maléwo' kuma'pa mata'incéré',

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

1 Yohanes 2:6

Si séike' mangé si mengakua sa sia imeesao wo si Casuruan, em pakatouna ka'i musti meputé wo im pakatou i Kristus.

1 Yohanes 2:9

Si séi si mengakua sa sia menonou an sendot taan icasuutna si poowna, sia tanuoka menonou ang kariréimbengan akar intarépé'.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.

Wahyu 5:9

Wo séra kumantar esa kakantaren weru tana'i: “Icoo em patus tumerima ing gulungan kitap itu, wo muka' in ségél-ségélna. Ampa'paan Ko sumangkumo pinaté, wo ang karapi in enda'-Mu, tinu'bus-Muo séra torona i Amang Kasuruan, séra itu mai am pakasa in suku, i nunuwu', i negara wo im bangsa.