1 Yohanes 3:15 - En Taar Weru a nunuwu' é Tontemboan

¹⁵ Si séi e masuut si poowna, sia itu mapaté tou. Wo kailekan iow ra'- ica wana sé mapaté tou makaanu ing katouan akar ing kauré-uré.

1 Yohanes 3:15 ပူးပေါင်းရင်းမြစ်များ

Matius 5:28

Taan icua-Ku ai camu, sa awéan tuama suméré si wéwéné wo icasalé'nao, si tuama itu mabersinao wo si wéwéné itu an untep in até.

Markus 6:19

Anaé, si Herodias menii-niim in léwo' a si Yohanes wo mawasa e maté sia, taan ra'ica kinaémaanna em pawasanna itu.

Yohanes 4:14

Taan si séike' e melep in dano si aiwéé-Ku, sia ra'io ka'i maré'om akar ing kauré-uré, ampa'paan en dano si iwéé-Ku itu mamuali oka palemboian in dano an owakna. En dano itu melembo-lemboi an owakna akar sia menonou akar ing kauré-uré.”

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Kisah Para Rasul 23:12

Asi mamoondo mai sé tou Yahudi meesa wo sumumpa in owak sapaoka séra ra'ipé' kiim kuman wo melep, sa ra'ipé' imaté si Paulus.

Kisah Para Rasul 23:14

Wo séra mangé a sé kikiiten é imam wo sé matu'a é tou Yahudi wo kumua, “Kami isumumpao sapaoka kami ra'- ica kuman wo ra'ica melep sa si Paulus ra'ipé' pinaté.

Yakobus 1:15

Wo sa eng kasalé'an itu kiniitannao, sia iméma'o ing kamesé-meséaan. Wo sa eng kamesé-meséaan itu icumawasao isia, eng kasiwakanna sia makéré oka im papaté.

1 Petrus 1:23

Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.

1 Yohanes 2:11

Taan séi si masuut si poowna, sia itu ang kariréimbengan, ampa'paan sia menonoué' ang kariréimbengan. Wo ra'ica kailekanna am bisa en angéanna ampa'paan e riréimbeng itu tanu iméma'o isia mawola.

1 Yohanes 2:9

Si séi si mengakua sa sia menonou an sendot taan icasuutna si poowna, sia tanuoka menonou ang kariréimbengan akar intarépé'.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”