1 Yohanes 3:14 - En Taar Weru a nunuwu' é Tontemboan

¹⁴ Kita icumesoto asi papaté wo méra a si katouan. Kailekanta en itu ampa'paan sé poo-poow ipaupu-upusta. Taan séi si ra'ica mengaupus, sia tatap am papaté.

1 Yohanes 3:14 ပူးပေါင်းရင်းမြစ်များ

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Lukas 15:24

Ampa'paan si toyaangku anio' imatéo taan itumouo sumawel. Wo ka'i sia icatalao taan kinéréano sumawel.’ Wo tumo'tolo séra maaru- arui.

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 7:5

ampa'paan sia mengaupus sé touta tou Yahudi wo sia ka'i imanguno im balé paapo'an é agama Yahudi torona ami.”

Yohanes 13:35

Sa kamu meupu-upusan, kailekan oka waya é tou, sapaoka kamu murit-murit-Ku.”

Yohanes 15:12

Si anioo em perénta-Ku: Meupu-upusano mangé kamu kaputé Yaku mengaupuso icamu.

Yohanes 15:17

Si anioo em perénta-Ku ai camu: Meupu-upusano mangé kamu si esa wo sé walina.”

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Efesus 1:15

Ampa'paano pakasa sé niéma'o i Amang Kasuruan ai camu, an tutuwku luminga in andumoro' im paémanen iow a si Apo' Yesus wo andumoro' in upus iow a sé im pakasa é tou le'nas,

Efesus 2:1

Indior an tutuw iow ra'ipé' maéman, kamu ayandé tanuoka sé tou imatéo, ampa'paan mengaéma' ing kamesé-meséaan wo masundur im perénta-perénta i Amang Kasuruan.

Efesus 2:5

akar kita touen-Na sumawel mewali-wali wo si Kristus, mandé ka'i an tutuw itu kita ayandé tanuoka matéo ampa'paan ing kamesé-meséaanta. Siituo en upus aitambér i Amang Kasuruan en lumowir icamu.

Kolose 1:4

ampa'paan liningao ami andumoro' im paémanen iow a si Kristus Yesus wo andumoro' in upus iow a sé im pakasa é tou le'nas.

1 Tesalonika 4:9

Wo en andumoro' i meupu-upusan wo sé poo-poow maéman, werotenku kamu ra'io sangali susuian ampa'paan en itu aisusuio i Amang Kasuruan tambisa e meupu-upusan.

Ibrani 13:1

Poo-poow, meupu-upusano mangé tanu mepoow an esa paémanen.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

2 Petrus 1:7

Wo menonou le'tek a si Amang Kasuruan musti awesan iow ka'i ang karapi i mengaupus a sé poo-poow esa paémanen. Wo asi mengaupus a sé poo-poow esa paémanen musti awesan iow ka'i ang karapi i mengaupus sé kakélé in tou.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.

1 Yohanes 3:23

Wo si anio' em perénta-Na: Kita musti maéman a si Toyaang-Na Yesus Kristus wo kita ka'i musti meupu-upusan tanu en aiperénta i Yesus Kristus ai cita.

1 Yohanes 4:12

Ra'ica wana tou mandé esake' en sumangkumo isumeré si Amang Kasuruan. Taan sa kita meupu-upusan, si Amang Kasuruan meesa wo icita wo en upus-Na lekep ang katouanta.

1 Yohanes 5:13

Aipaticku waya en itu ai camu sé maéman a si Toyaang i Amang Kasuruan, wosama' kakailekan iow sa kinéréano miow eng katouan akar ing kauré-uré.

1 Yohanes 5:2

Wo sa kita mengaupus si Amang Kasuruan wo le'tek maéma' im perénta-perénta-Na, en itu mamuali tuus kita ka'i mengaupus sé toyaang-Na.