1 Yohanes 3:13 - En Taar Weru a nunuwu' é Tontemboan

¹³ Poo-poow, tioo kamu mangaya'ka' sa sé tou makiit ing kayo'baan léwo', masuut ka'i ai camu.

1 Yohanes 3:13 ပူးပေါင်းရင်းမြစ်များ

Matius 10:22

Wo pakasa in tou masuut oka icamu ampa'paan kamu makiit Yaku. Taan sé tou le'tek makiit Yaku akar imaté makéré oka ing kalowiran.

Matius 24:9

An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku.

Markus 13:13

Pakasa in tou masuut oka icamu ampa'paan makiit Yaku. Taan sé tou le'tek makiit Yaku akar imaté, séra makéré oka ing kalowiran.”

Lukas 21:17

Wo ka'i pakasa sé tou masuut oka icamu ampa'paan makiit Yaku.

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Yohanes 17:14

En Taar i Amang aicua-Kuo ai séra, wo pinercaya éra en Taar itu. Ampa'paan in ituo sé tou ra'ica mercaya in Taar i Amang masuut séra, ampa'paan séra ra'ica meputé wo sé tou ra'ica mapercaya itu, wo ka'i Yaku ra'ica meputé wo sé tou ang kayo'baan sé ra'ica mapercaya.

Yohanes 3:7

Tioo ko mangaya'ka', sa icua-Ku sapaoka icamu im baya musti touen weru.

Yohanes 7:7

Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?

Roma 8:7

Wo sé tou pakakawasané' ing kasalé'an in owak in esa, séra menséké'an wo si Amang Kasuruan, ampa'paan séra ra'ica le'tek an ukum i Amang Kasuruan. En ulitna en ukum itu ra'ica kaémaan éra.

2 Timotius 3:12

Mémang pakasa in tou maéman a si Kristus Yesus wo kumiit ing kasalé'an-Na meta'up oka in okoi.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

Wahyu 17:7

Wo icua i malaékat a yaku, “Kéitu réén ko mangaya-ngaya'ka'? Isisilku oka ai co eng kaangéanna sé aicaenepé' andumoro' i wéwéné wo si binatang pakasakéanna si binatang pitu en do'kos wo sangapulu' en sungé.”