1 Yohanes 3:10 - En Taar Weru a nunuwu' é Tontemboan

¹⁰ Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.

1 Yohanes 3:10 ပူးပေါင်းရင်းမြစ်များ

Matius 13:38

En uma, siituo eng kayo'baan. Wo en lulumbo loor sérao sé toyaang ing Kakolanoan, wo eng kuung sérao sé toyaang i kikiiten é sétang.

Lukas 6:35

Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

Yohanes 1:12

Taan sé tou tumerima wo mercaya ai Sia, séra wéan oka hak wosama' mamuali toya-toyaang i Amang Kasuruan.

Yohanes 11:52

wo ra'ica asaloke' sé tou Yahudi, taan ka'i en lumi'us wo meesa sé toyaang i Amang Kasuruan sé imeseraro am pakasa ing kayo'baan.

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Yohanes 8:47

Sé tou asi Amang Kasuruan owo mengalinga sapa sé ipakua-Na. Taan ra'ica pengalingan iow sapa sé ipakua-Na ampa'paan kamu ra'ica ai Sia owo.”

Kisah Para Rasul 13:10

wo kumua, “Éi toyaang i kikiiten é sétang! Ico wuta in uwak sé membam-balinaan wo ing kaléwo'an. Pakasa sé wutul pasundurenmuke'. Kéitu réén ra'ica yento'mu mengaléwo' im pawasan i Amang Kasuruan si mai lumowir sé tou?

Roma 13:8

Tioo kamu mautang sapake' mangé a sé tou, taan aweso taré en utang iow itu utang i meupu-upusan a si esa wo sé walina. Ampa'paan si séike' e mengaupus sé kakélé tou, sia iméma'o im perénta-perénta an ukum Torat.

Efesus 5:1

Anaé, ampa'paan icamu toya-toyaang i Amang Kasuruan si ipaupu-upus-Na, mengaéma'o mangé tanu sé niéma'-Nao.

Kolose 3:14

Wo si penting keli am pakasa in itu: meupu-upusano mangé kamu, ampa'paan en upus itu mengaéma' icamu meesa akar em paesaan iow itu wutu-wutul lekep.

1 Timotius 1:5

Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.

1 Yohanes 2:29

Sa kailekan iow Sia itu wutul, musti ka'i kailekan iow sa sé tou sé mengaéma' im butul, séra ituo sé toya-toyaang i Amang Kasuruan.

1 Yohanes 3:1

Weroteno mio' sumama-sama', wangko' ulit en upus i Amang Kasuruan ai cita, akar cita patuulen toya-toyaang-Na. Wo ulit kita anio' toya-toyaang i Amang Kasuruan. Ampa'paano in itu sé tou makiit ing kayo'baan léwo', séra ra'ica makatuus cita' ampa'paan séra ra'ica makatuus si Amang Kasuruan.

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

1 Yohanes 4:21

Wo si anioo em perénta si tinerimatao a si Amang Kasuruan: Si séike' e mengaupus si Amang Kasuruan, sia ka'i musti mengaupus sé poo-poowna.

1 Yohanes 4:6

Kami anio' asi Amang Kasuruan owo. Si tou makatuus si Amang Kasuruan, sia itu mengalinga cami. Taan en tou si ra'ica asi Amang Kasuruan owo, sia ra'ica mengalinga icami. Wo in taniitu ra'ica toro ipeputéta si Roh mawéé in sususuien wutul wo si roh mengasusui in sélé'kow.

1 Yohanes 4:8

Taan si séi si ra'ica mengaupus, sia ra'ica makatuus si Amang Kasuruan ampa'paan si Amang Kasuruan ituo e makaanu in upus.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.

1 Yohanes 5:2

Wo sa kita mengaupus si Amang Kasuruan wo le'tek maéma' im perénta-perénta-Na, en itu mamuali tuus kita ka'i mengaupus sé toyaang-Na.

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.