1 Yohanes 2:7 - En Taar Weru a nunuwu' é Tontemboan

⁷ Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

1 Yohanes 2:7 ပူးပေါင်းရင်းမြစ်များ

Matius 5:43

“Liningao miow ka'i en Taar anio', ‘Icaupuso mangé sé kakélé miow wo icasuuto mangé sé kaséké' miow.’

Yohanes 13:34

Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Kisah Para Rasul 17:19

Wo iwali éra si Paulus en sumaru an sidang Areopagus, wo icua éra, “Ro'na kailekan ami en sususuien weru si pengasusuimu itu?

Ibrani 6:9

Poo-poow sé icaupusku, mandé ka'i repeto eng kepokéi ami ai camu, percayan ami sapaoka kamu tou sé ra'ica tumela'u si Yesus. Kailekan ami sapaoka niéma'o miow sé andumoro' in loor si patus pengaémaan é tou sé linowiro i Amang Kasuruan.

1 Yohanes 2:24

Anaé, sapa sé pinalingao miow tumo'tolke' mai asi kataré an tutuw kamu maémano, en itu musti yéma' miow sumama-sama' an até miow. Wo in taniitu kamu kasake' menonou meesa ang karapi i Toyaang wo ka'i si Amang.

1 Yohanes 3:11

Si anioo en abar si liningao miow tumo'tolai indior an tutuw kamu werupé' maéman: kita musti meupu-upusan.

1 Yohanes 3:2

Poo-poow sé icaupusku, intarépé' kita toya-toyaang i Amang Kasuruan, taan ra'ipé' kailekanta tuu tambisa e mamuali ai cita sa. Taan eng kailekanta, an tutuw i Kristus maai sumawel, kita mamuali oka tanu Sia wo wutu-wutul kaséréanta oka en owak-Na.

1 Yohanes 3:21

Poo-poow sé icaupusku, sa en atéta ra'ica mendam imeséa', kita tioo maindé' mangé rumuru a si Amang Kasuruan.

1 Yohanes 3:23

Wo si anio' em perénta-Na: Kita musti maéman a si Toyaang-Na Yesus Kristus wo kita ka'i musti meupu-upusan tanu en aiperénta i Yesus Kristus ai cita.

1 Yohanes 4:1

Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.

1 Yohanes 4:11

Poo-poow icaupusku, sa tanu siituo en upus i Amang Kasuruan ai cita, kita ka'i musti meupu-upusan angé.

1 Yohanes 4:21

Wo si anioo em perénta si tinerimatao a si Amang Kasuruan: Si séike' e mengaupus si Amang Kasuruan, sia ka'i musti mengaupus sé poo-poowna.

1 Yohanes 4:7

Poo-poow sé icaupusku, mayo kita meupu-upusan, ampa'paan en upus itu asi Amang Kasuruan owo. Wo si séike' e meupu-upusan, sia itu asi Amang Kasuruan owo wo katuusan-Na.