1 Yohanes 2:4 - En Taar Weru a nunuwu' é Tontemboan

⁴ Si séi si mengakua, “Katuusanku si Amang Kasuruan” taan ra'ica mengakiit im perénta-Na, sia itu kotowo wo en sususuien wutul ra'ica an aténa.

1 Yohanes 2:4 ပူးပေါင်းရင်းမြစ်များ

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Titus 1:10

Icuaku in taniitu ampa'paan kelio sé tou masalé' mengasundur in sususuien wutul. An uner éra itu awéan tou Yahudi si maémano a si Yesus, pengasusuina sapaoka sé tou ra'ica Yahudi sa masalé' mamuali anggota jamaat musti sunaten owo. Séra itu mengauwak sé tou walina ang karapi in doroma' éra sé ra'ica wana en torona.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

1 Yohanes 1:10

Sa icuata sapaoka kita ra'ica kawisa mako méma' ing kamesé-meséaan, en itu meputéo icuata Sia itu kotowo wo en Taar-Na ra'ica an atéta.

1 Yohanes 1:6

Sa icuata sapaoka kita menonou meesao wo Sia taan eng katouanta ang kariréimbenganné', kita itumowoo wo ra'ica mengaéma' in sususuien wutul.

1 Yohanes 1:8

Sa icuata sapaoka kita ra'ica wana kamesé-meséaan, kita imuwako in owakta in esa wo en sususuien wutul ra'ica an atéta.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.

1 Yohanes 2:9

Si séi si mengakua sa sia menonou an sendot taan icasuutna si poowna, sia tanuoka menonou ang kariréimbengan akar intarépé'.

1 Yohanes 3:6

Si tou kasake' menonou meesa ang karapi-Na, si tou itu ra'io ka'i mengaéma' ing kamesé-meséaan. Taan si tou mengaéma'pé' ing kamesé-meséaan, sia itu ra'ipé' isuméré si Yesus wo ra'ica makatuus Sia.

1 Yohanes 4:20

Sa awéan tou kumua, “Yaku mengaupus si Amang Kasuruan,” taan icasuutna si poowna, sia itu tumowoo. Ampa'paan si séike' si ra'ica mengaupus si poow pakasérénna, tantu ra'ica kawisa sia mengaupus si Amang Kasuruan si ra'ica kaséréanna.

1 Yohanes 4:7

Poo-poow sé icaupusku, mayo kita meupu-upusan, ampa'paan en upus itu asi Amang Kasuruan owo. Wo si séike' e meupu-upusan, sia itu asi Amang Kasuruan owo wo katuusan-Na.