1 Yohanes 2:24 - En Taar Weru a nunuwu' é Tontemboan

²⁴ Anaé, sapa sé pinalingao miow tumo'tolke' mai asi kataré an tutuw kamu maémano, en itu musti yéma' miow sumama-sama' an até miow. Wo in taniitu kamu kasake' menonou meesa ang karapi i Toyaang wo ka'i si Amang.

1 Yohanes 2:24 ပူးပေါင်းရင်းမြစ်များ

Lukas 1:2

Aipatic éra waya en itu meputé wo sé aisisilo é tou sé isuméré in esa ing kamamualian itu tumo'tolai asi kataré-taré wo en Taar i Casuruan itu ipakua-kua éra ka'i a sé tou walina.

Lukas 9:44

“Lingan wo wéan rékén sumama-sama' pakasa sé icua-Ku anio': Yaku si Toyaang i Tou, isarakan oka é tou a sé tou makakawasa.”

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

Yohanes 15:7

Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Yohanes 6:56

Si séike' eng kuman in owak-Ku wo melep in enda'-Ku, si tou itu menonou ang karapi-Ku, wo Aku mewali-wali wo isia.

Yohanes 8:25

Wuéien éra ai Sia, “Si séi réén Ko?” Isowat i Yesus, “Si séi Yaku en ulitna, aicua-Kuo ai camu tumo'tolke' mai indior.

Filipi 4:15

Poo-poowku tou Filipi, an tutuwku in tumela'u icamu a Makedonia wo aku tumo'tolo kumua in Abar Kaaruien andumoro' i Yesus Kristus an tampa walina, ra'ica wana jamaat mandé in esake' e méé in tatawang a yaku, wayake' icamu.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

Ibrani 2:1

Ampa'paan si Yesus e rumangka' mai wo sé malaékat, anaé musti timboianta mauli-ulit en sususuien sé liningatao andumoro' Sia, oréoka kita katawéran kumiit in sususuien walina akar ra'io ka'i maéman ai Sia.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

1 Yohanes 1:3

Intarépé' icua ami ai camu sapa sé sinéréo wo liningao ami ai Sia. Wo in taniitu kamu ro'na menonou meesa wo icami. Wo kita im baya ka'i menonou meesa wo si Amang wo si Toyaang-Na Yesus Kristus.

1 Yohanes 1:7

Taan sa kita menonou an sendot meputé ka'i wo Sia an sendot, tantu kita menonou imeesa wo sé tou walina. Wo pakasa eng kamesé-meséaanta wu'asan oka in enda' i Yesus Toyaang-Na.

1 Yohanes 2:7

Poo-poow sé icaupusku, sé aipaticku anio' ra'ica perénta weru ai camu, taan perénta uré sé pinalingao miow indior. Em perénta uré itu, siituo en Taar si sumangkumo pinalinga miow.

1 Yohanes 3:24

Si séi si makiit waya im perénta-Na, sia itu meesa wo si Amang Kasuruan wo si Amang Kasuruan ka'i meesa wo isia. Wo kailekantao si Amang Kasuruan menonou meesa wo icita, ampa'paan si Amang Kasuruan imééo i Roh-Na ai cita.

1 Yohanes 4:13

Aiwééo i Amang Kasuruan e Roh-Na ai cita, wo in taniitu kakailekantao eng katouanta meesa wo si Amang Kasuruan wo Sia ka'i meesa wo icita.

1 Yohanes 4:15

Si séi e mangaku sa si Yesus itu Toyaang i Amang Kasuruan, si Amang Kasuruan kasake' meesa wo isia wo sia ka'i esa wo si Amang Kasuruan.

1 Yohanes 4:16

Kita makatuuso wo mercayao in upus i Amang Kasuruan ai cita. Si Amang Kasuruan itu e makaanu in upus. Si séi si mengaupus sé tou walina, sia itu imeesa wo si Amang Kasuruan, wo si Amang Kasuruan ka'i meesa wo sia.

2 Yohanes 1:2

Icaupus ami kamu ampa'paan en sususuien wutul itu an atétao wo en sususuien itu kasake' ai cita akar ing kauré-uré.

2 Yohanes 1:9

Si tou ra'io ka'i makiit in sususuien i Kristus wo makiit oka in sususuien walina, sia itu ra'ica makaanu si Amang Kasuruan. Taan si tou makiit in sususuien i Kristus, sia itu makaanu si Amang wo ka'i si Toyaang.

3 Yohanes 1:3

Arui keli aku ampa'paan awéan poow maéman imai méé kasairian a yaku sapaoka ko tatap le'tek a si Amang Kasuruan wo pengaémaanmu ka'i en sususuien wutul itu.

Wahyu 3:11

Ra'io uré ka'i Yaku maai! Téirano sumama-sama' sapa sé anu miow, wosama' ra'ica wana tou e rumombit i mahkota miow.

Wahyu 3:3

Pena'né-na'néieno mangé en sususuien si liningao wo tinerimao miow. Émaano mangé en sususuien itu wo mape'diso mangé! Sa kamu ra'ica matéi-téir, Yaku maai oka tanu si rombit. Ra'ica kailekan iow kawisa Aku maai.