1 Yohanes 2:20 - En Taar Weru a nunuwu' é Tontemboan

²⁰ Taan tinerimao miow e Roh Le'nas asi Yesus Kristus owo, ampa'paan in itu kamu im baya makaileko in sususuien wutul.

1 Yohanes 2:20 ပူးပေါင်းရင်းမြစ်များ

Matius 13:11

Isowat i Yesus, “Si Amang Kasuruan imééo mai ing kamang tatambér ai camu e makailek in sususuien sé icaenepé' andumoro' ing Kakolanoan in Sorga, taan ai séra ra'ica.

Markus 1:24

“Yesus tou Nazaret! Sapa en urusan-Mu wo icami? Mai-Mu réén patén kami? Kailekanku si séi-Ko, Icoo si Le'nas asi Amang Kasuruan owo.”

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Lukas 4:34

“Yesus tou Nazaret, sapa en urusan-Mu wo icami! Mai-Mu réén patén kami? Kailekanku si séi-Ko, Icoo si Le'nas, asi Amang Kasuruan owo.”

Yohanes 14:26

Taan si Matawang si yutus oka mai i Amang-Ku ai camu en sumawel Yaku, Siao si Roh Le'nas. Sa Sia maai, isusui-Na oka em baya-waya ai camu wo ita'néi-Na ai camu im baya sé aicua-Kuo ai camu.

Yohanes 16:13

Taan sa Sia maai, Siao e Roh si tumuru' in sususuien wutul i Amang Kasuruan, isusui-Na oka ai camu akar kailekan iow pakasa sé sususuien wutul andumoro' i Amang Kasuruan. Ampa'paan Sia ra'ica kawisa mengaroma' makiit im bewerot-Na in esa, taan Sia maroma' kumiit sapa sé lininga-Na. Wo icua-Na oka ka'i ai camu andumoro' in sapa sé mamuali sa.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 3:14

Taan aicélongo miow Sia si Le'nas wo si mengaéma' im butul. Wo pinangilek iowke' si mengapaté tou si wekar.

1 Korintus 2:15

Si tou makaanu i Roh i Amang Kasuruan, sia makawoo numilai in sapa-sapake', taan ra'ica wana mandé esake' tou e ro'na numilai sia.

Ibrani 1:9

Ico masalé' sé ra'ica marapit, wo maréé sé mengaéma' in léwo' Siituo imangémai si Amang Kasuruan, Amang Kasuruan-Mu, isumisiro Ico, wo iméma'o Ico maaru-arui lébé arui wo sé kara-karapi-Mu.”

Ibrani 8:11

Wo séra ra'io sangali mensusuian wo sé kara-karapi kuma'pa sé poo-poow éra, wosama' makatuus si Casuruan. Ampa'paan séra im baya tumo'tol asé tou ra'ica penting akar a sé tou penting makatuus oka Yaku.

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

1 Yohanes 4:13

Aiwééo i Amang Kasuruan e Roh-Na ai cita, wo in taniitu kakailekantao eng katouanta meesa wo si Amang Kasuruan wo Sia ka'i meesa wo icita.

Yudas 1:5

Pakasa en itu kinailekano miow, taan icasalé'ku ita'néi ai camu andumoro' si anio': Indior linowiro i Amang Kasuruan sé tou Israel kumesot an tana' Mesir, taan kekawus in itu, patén-Na en tou sé ra'ica maéman ai Sia.

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.

Wahyu 4:8

Sé epat mahluk itu maka- anu mekélé enem en tétéléw, en an untep wo ang kesot in tétéléw mawuta-wuta im beren. Endo wo em bengi sé mahluk itu ra'ica maento-ento' i makantar, “Le'nas, le'nas, le'nas si Amang Kasuruan Si Makakawasa, Si awéano indior, intarépé', wo si maai oka sa.”