1 Yohanes 2:1 - En Taar Weru a nunuwu' é Tontemboan

¹ Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

1 Yohanes 2:1 ပူးပေါင်းရင်းမြစ်များ

Lukas 10:22

Pakasa aiwééo i Amang-Ku a Yaku. Ra'ica wana mandé esake' tou e makatuus si Toyaang, aluar si Amang in esa. Wo ka'i ra'ica wana mandé esake' tou e makatuus si Amang, aluar si Toyaang-Na wo si tou si sinisir-Na em papaturu' a si Amang.”

Yohanes 10:15

meputé si Amang makatuus Yaku wo ka'i si Amang katuusan-Ku. Wo isarakan-Ku en owak-Ku a sé domba-Ku.

Yohanes 13:33

Icua ka'i i Yesus, “Éi toya-toyaang-Ku, Yaku ra'io mauré-uré mewali-wali wo icamu, wo pangérén oka miow Aku. Taan tanu sé aicua-Kuo a sé kikiiten é tou Yahudi, icua-Ku ka'i, em paangéan-Ku, kamu ra'ica icaangé am bitu.

Yohanes 14:16

Pangileken-Ku oka a si Amang-Ku, iwéé-Na oka mai ai camu si Matawang walina si ro'na mewali-wali wo icamu akar ing kauré-uré.

Yohanes 14:6

Wo icua i Yesus, “Yakuo en lalan maangé a si Amang Kasuruan, Yaku ka'i si mengakua in sususuien wutul andumoro' i Amang Kasuruan, wo Yaku ka'i si mengawéé mai ing katouan akar ing kauré-uré. Ra'ica wana esake' tou e maai a si Amang sa ra'ica ipakawali-Ku.

Yohanes 21:5

Wo wuéien i Yesus ai séra, “É kara-karapi, awéano réén sera' eng kinatangkaan iow?” Isowat éra, “Ra'ipé' wana.”

Yohanes 5:14

Kekawus in itu si Yesus meta'up wo si tou itu am Balé Le'nas wo icua-Na ai sia, “Ta'néino mangé, ico imasama'o. Yentoo mio' mengaéma' ing kamesé-meséaan wosama' eng kawenduan si lébé uterai ra'ica pendamenmu sa.”

Yohanes 5:36

Taan eng kasairian-Ku en lébé wangko' mai wo ing kasairian i Yohanes. Eng kasairian-Ku sapaoka en tawoien-Ku an uner iow intarépé', siituo en tawoien si aiwéé i Amang a Yaku. Sé tawoien pengaémaan-Ku itu méé tuus sapaoka Yakuo si ayutusai i Amang.

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 8:11

Isowat i wéwéné itu a si Yesus, “Ra'ica wana karu', é Tuang.” Wo icua i Yesus ai sia, “Si inang ka'i ra'ica ukumen-Ku. Maréngo taré wo tumo'tol intarépé' nomoo ka'i mengaéma' ing kamesé-meséaan.”

Kisah Para Rasul 7:52

Icuao mai, si séi sé nabi ra'ica niokoi é apo-apo' miow? Taan taré pinaté érake' sé nabi sé riorai mengakua andumoro' si Tou Wutul mai, wo intarépé' Sia kinianato wo pinatéo miow.

Roma 5:10

An tutuw kita masunduré' a si Amang Kasuruan, kita niéma'-Nao meeluran wo Sia ampa'paan im papaté i Toyaang-Na. Lébé-lébépé' ka'i intarépé' an tutuw kita meelurano sumawel wo Sia, tantu kita lowiren oka asi endo kaka'puan ing kayo'baan ampa'paan si Kristus itumou sumawel.

Roma 6:15

Anaé, sapa en icuata? Ro'napé' réén kita mengéma-ngéma' ing kamesé-meséaan ampa'paan kita ra'io pakakawasan in ukum Torat wo ampa'paan kita intarépé' menonouo an upus aitambér i Amang Kasuruan? Tantu ra'ica!

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

1 Korintus 15:34

Anaé, mawutu-wutulo mangé mape'dis wo ra'io toro ka'i mengéma-ngéma' ing kamesé-meséaan. Ampa'paan an uner iow awéan sé ra'ipé' makatuus si Amang Kasuruan. Icuaku en anio' wosama' kamu malawi' wo mape'dis.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

Efesus 4:26

Sa kamu mae'bow, tioo mengaéma' ing kamesé-meséaan. Tioo eng kae'bowan itu yéma' miow akar i muntep si yéndo,

1 Timotius 2:5

Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus.

1 Timotius 3:14

Timotius, yaku maarap ra'io uré kita in dua meta'up. Taan mandé ka'i kita ra'ipé' imeta'up, yaku matico in surat anio' ai co,

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

Yakobus 3:9

En lila'ta ro'na papakénta rumayo si Casuruan Amangta wo ang karapi in lila' itu ka'i pakénta makutuk sé tou sé niéma' i Amang Kasuruan meputé wo Sia.

1 Petrus 2:22

Sia ra'ica mengaéma' ing kamesé-meséaan wo ra'ica tampenguwaken.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

1 Yohanes 3:18

Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.

1 Yohanes 3:7

Toya-toyaangku, kamu ra'ica toro isélé'kow é tou walina. Séi si maéma' im butul, sia itu tou wutul puté wo si Kristus itu wutul.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.

1 Yohanes 5:17

Pakasa eng kaléwo-léwo'an itu kamesé-meséaan, taan awéan kamesé-meséaan si ra'ica imakawali sé tou am papaté.

1 Yohanes 5:21

Toya-toyaang sé icaupusku, kamu musti mareti-reti, oréoka kamu maapo' a sé opo-opo'.

3 Yohanes 1:4

Sa iciit yaku, ra'ica wana e ro'na méma' in atéku lébé arui aluar yaku luminga sapaoka sé toyaangku menonou makiit in sususuien i Amang Kasuruan.