1 Yohanes 1:4 - En Taar Weru a nunuwu' é Tontemboan

⁴ Pakasa en anio' aipatic ami wosama' en atéta wutu-wutul arui.

1 Yohanes 1:4 ပူးပေါင်းရင်းမြစ်များ

Yohanes 15:11

Pakasa en itu icua-Ku ai camu, wosama' kamu ro'na maarui meputé wo Yaku, wo eng kaaruian iow itu makakii-kiit.

Yohanes 16:24

Akar intarépé' kamu ra'ipé' mangilek sapa-sapake' a si Amang-Ku ang karapi i ngaran-Ku. Mangileko mangé wo teriman oka miow en itu, wo kamu wutu-wutul arui.

Yohanes 3:29

Ang kinawéngan, si pengantén tuama makaanu si pengantén wéwéné. Wo si karapi i pengantén tuama si makatulung an duruna arui tutuw sia luminga in suarana. Taniitu ka'i mai wo yaku si Yohanes, intarépé' aku mendam in arui keli ampa'paan keli tou mai a si Yesus.

2 Korintus 1:24

Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

Efesus 3:19

Pekiupusenku, ro'na kaangéan iow en upus i Kristus itu, mandé ka'i en upus-Na itu ra'ica kaangéan. Wo in taniitu em peri-peri i Amang Kasuruan wutan oka ang katouan iow.

1 Yohanes 2:1

Toya-toyaang sé icaupusku! Ipaticku andumoro' sé anio' ai camu wosama' kamu tioo mengaéma' ing kamesé-meséaan. Taan sa awéan tou mengaéma' ing kamesé-meséaan, sia awéan e makawali en tumawang sia an dior i Amang. Siao si Yesus Kristus si ra'ica marapit.

2 Yohanes 1:12

Keliané' woo em paticku ai camu, taan aweso taré ra'ica an surat. Em paarapenku maai oka meta'up wo icamu wo mepaar ang karapi miow. Wo in taniitu en atéta wutu-wutul arui.