1 Yohanes 1:1 - En Taar Weru a nunuwu' é Tontemboan

¹ En surat anio' andumoro' in Taar si mengawéé ing katouan. En Taar anio' awéano asi kataré-taré si liningao wo sinéréo ami in esa. Wo tinimboiano ami ka'i ing kama ami in esa.

1 Yohanes 1:1 ပူးပေါင်းရင်းမြစ်များ

Lukas 1:2

Aipatic éra waya en itu meputé wo sé aisisilo é tou sé isuméré in esa ing kamamualian itu tumo'tolai asi kataré-taré wo en Taar i Casuruan itu ipakua-kua éra ka'i a sé tou walina.

Lukas 24:39

Sérénai eng kama wo eng kécéi-Ku. Yakuo in esa si anio'. Isuuno mai en owak-Ku wo sérén sumama-sama', ampa'paan e mu'kur léwo' ra'ica wana sama'na wo ru'i tanu si pasérén iow a Yaku anio'.”

Yohanes 19:35

Si tou en suméré ing kamamualian itu in esa, en icumua sapa en sinerénao, wo sé ipakuana itu wutul. Wo kailekanna sapaoka sia makua im butul wosama' percayaan iow.

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Yohanes 5:26

Ampa'paan si Amang-Ku palemboian ing katouan, niéma'-Na ka'i si Toyaang-Na mamuali palemboian ing katouan.

Yohanes 8:58

Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”

Kisah Para Rasul 1:3

Kekawus-Na imaté wo tumou sumawel, Sia menguri-nguri mapaturu' in owak-Na ai séra epat ngapulu' ngando eng kauréna, wo méé kelian tuus en tumuru' sapaoka Sia uli-ulit tumou sumawel. Wo Sia makua andumoro' si Amang Kasuruan kumawasa tanu Kolano.

Kisah Para Rasul 4:20

Ampa'paan kami ra'ica toro mento' mengua-ngua andumoro' in sapa sé sinéréo wo liningao ami.”

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.

1 Yohanes 4:14

Wo sinéréo ami in esa wo sinairi ami sa si Amang imutuso si Toyaang-Na mai lumowir ing kayo'baan anio'.

1 Yohanes 5:7

Wo awéan telu e mawéé ing kasairian sapaoka si Yesus itu Toyaang i Amang Kasuruan [an sorga: si Amang, Taar, wo Roh Le'nas. Wo sé telu itu méé kasairian meputé.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”

Wahyu 1:8

Si Amang Kasuruan icumua in tana'i, “Yaku anio' Alfa wo Omega, si awéano indior, si awéan intarépé' wo si maai sa, wo Yaku ka'i Si Makakawasa.”

Wahyu 19:13

Sia makapaké in juba si airames an enda'. Wo e ngaran-Na “Taar i Amang Kasuruan”.

Wahyu 2:8

“Ipatico mio' a si malaékat si mengatéir in jamaat an Smirna. Si anioo en taar asi Kumataré wo Si Ka'karan, si matéo wo tinou sumawel: