1 Timotius 6:6 - En Taar Weru a nunuwu' é Tontemboan

⁶ En ulitna sa sé tou uli-ulit mengaapo' a si Amang Kasuruan wo ka'i makapendam in arui asi sapake' in anuna, sia makéréo kamang wangko'.

1 Timotius 6:6 ပူးပေါင်းရင်းမြစ်များ

Lukas 12:15

Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”

Lukas 3:14

Wo awéan ka'i sé suraro am bitu mamuéi a si Yohanes, “Tambisa andumoro' icami, sapa si musti émaan ami?” Isowatna, “Tioo kamu mesusa sé tou torona makéré kauntu- ngan wo tioo mengaandét in doit é tou wo matudu sé ra'ica wutul ai séra. Taan takurake' eng kéréan iow asi laasa in tinawoi miow terimano mangé en itu.”

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

Filipi 1:21

Ampa'paan sa kiit yaku, ang katouan anio' menonouke' torona i Kristus. Wo sa aku maté, siituo eng kauntungan ampa'paan aku menonou oka ang karapi i Kristus.

1 Timotius 4:8

Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.

1 Timotius 6:8

Ampa'paan ituo, sa eng karai wo eng kakanen ai cita aweso, sapake' sé ai citao itu en ulitna musti méma' icita mendam in arui.

Ibrani 13:5

Tioo kamu mamuali ata in doit, taan sapa sé awéano ai camu atoren sumama-sama' en itu aweso ai camu. Ampa'paan si Casuruan icumuao, “Ico ra'ica kawisa iwekar-Ku, wo ico ra'ica kawisa itela'u-Ku.”