1 Timotius 6:21 - En Taar Weru a nunuwu' é Tontemboan

²¹ Awéan piraan tou makiit in sususuien sé pakua éra “kapinteran”, ampa'paan ituo séra ra'io maéman ka'i a si Yesus. Pangilekenku a si Amang Kasuruan wosama' Sia tumambérai ing kamang ai camu.

1 Timotius 6:21 ပူးပေါင်းရင်းမြစ်များ

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 16:20

Wo si Amang Kasuruan, si palemboian ing kaeluran, makala'us tumeri si kikiiten é sétang an darem ing kécéi miow sa. Wo pekiupusenku en upus aitambér i Yesus Kristus Apo'ta mewali-wali oka wo icamu.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [

Kolose 4:18

Yaku Paulus ka'i méé mai in siri' ai camu. En siri' anio' yaku in esa e matic. Ta'néien iow angé sapaoka aku an untepé' im bui! Isombayangku sa woo ro'na en upus aitambér i Amang Kasuruan mewali-wali wo icamu.

1 Timotius 1:19

Ico ka'i musti tatap maéman a si Apo' Yesus karapi in até weresi wo le'nas. Ampa'paan awéan tou ra'io mengakiit in até weresina akar em paémanen éra materi.

1 Timotius 1:6

Taan awéan sé tou ra'io kiim maéma' im pakasa in itu, séra memaa-maarke' im pepaaren sé ra'ica wana eng katoronaan.

1 Timotius 6:10

Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.

2 Timotius 2:18

Séra in dua itu isumélé'kowo a si sususuien wutul. Pengasusui éra sapaoka sé tou imatéo, tinouo sumawel i Amang Kasuruan, anaé ra'io wana tou en touené' sumawel. Wo em pengasusui éra itu, lumicokoo piraan tou sé maémano a si Yesus.

2 Timotius 4:22

Pangilekenku wosama' si Casuruan mewali-wali wo ico. Pangilekenku ka'i wosama' si Casuruan tumambérai in upus-Na ai camu im baya.

Titus 3:15

Éi Titus, pakasa in tou sé mewali-wali wo yaku am bia'i méé in siri' ai co. Wo icua ka'i mio' en siri'ku a sé kara-karapita esa paémanen sé mengaupus icita. Pangilekenku, itambérai i Casuruan en upus-Na ai camu im baya.

Ibrani 13:25

Pekiupusenku wosama' en upus aitambér i Amang Kasuruan mewali-wali wo icamu im baya.