1 Timotius 6:18 - En Taar Weru a nunuwu' é Tontemboan

¹⁸ Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

1 Timotius 6:18 ပူးပေါင်းရင်းမြစ်များ

Matius 5:42

Sa awéan tou e mangilek sapake' mangé ai camu, iwééo mio' sapa em pinangilekna. Wo tioo icélong iow sa awéan tou e masalé' miram sapake' ai camu.”

Lukas 12:21

Tanu siituo ka'i e mamuali a sé tou sé asalo mengumu-ngumung ing kasiyaan in owakna in esa, taan ra'ica mengawéé ang karapi in lekep en até e mengaarui in até i Casuruan. Sé tou tanu siitu meputéo wo sé tou ra'ica wana sapa-sapa an dior i Amang Kasuruan.”

Lukas 3:11

Isowatna, “Si séi sé makaanu rua karai, si karai esa musti iwééna a si tou ra'ica wana karai wo si séi si makaanu ing kakanen, musti mengawéténg ing kakanen a sé tou sé ra'ica wana kakanen.”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 9:36

An Yope, awéan si esa wéwéné makangaran Tabita, a nunuwu' é Yunani sia patuulen Dorkas. Sia mengéma-ngéma' andumoro' sé loor wo pengatawangenna sé tou lengéi.

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Roma 12:8

Sa eng kamang aitambér i Amang Kasuruan ai cita e masina'u sé tou walina wosama' em paémanen éra makaketer, tawoieno mangé en itu ang karapi i mauli-ulit. Sa eng kamang aitambér i Amang Kasuruan ai cita e mamuali tou masalé' mengawéténg ing kasiyaan a sé kakélé tou, musti émaanta en itu ang karapi in lekep en até. Sa eng kamang aitambér i Amang Kasuruan ai cita mamuali kikiiten, kita ka'i musti mamuali kikiiten si re'dem. Wo sa eng kamang aitambér i Amang Kasuruan ai cita e mengaturu' ing kaupusan a sé tou walina sé sumangkumai ing kawenduan, musti émaanta en itu ang karapi in arui en até.

1 Korintus 16:2

Susur in ari Duminggu, kamu si esa wo si esa mengatané mio' roit kiit eng kinéréan i esa wo si esa. Wo yéma' miow sé roit itu wosama' an tutuw aku mai, kamu ra'io sangali ka'i lumi'us roit.

2 Korintus 8:12

Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.

Galatia 6:10

Ampa'paan in itu, ang karoro'anta winéané' témpo, mayoo émaanta sé loor a sé pakasa in tou, kataré-taré a sé poo-poowta an esa paémanen.

Efesus 4:28

Si tou si sumangkumo rumombit, yentoo mio' marombit. Aweso taré sia rumaméji tumawoi sapake' sé loor ang karapi ing kamana in esa, wosama' sia makaanu in sapa-sapake' si ro'na iwéténg a sé tou lengéi.

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Titus 3:8

Pakasa e nunuwu' sé aicuaku anio' wutul wo loor wo awéan torona a sé pakasa in tou. Icasalé'ku icuamu waya en sususuien itu a sé tou maéman a si Amang Kasuruan wosama' séra uli-ulit rumaméji tumawoi loor.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

1 Petrus 3:11

Sia musti menonou tumayang asé kaléwo-léwo'an wo mengaéma'o mangé sé loor. Sia ka'i musti rumaméji ang karapi i mauli-ulit e menonou meelu-eluran wo sé tou walina.

1 Yohanes 3:17

Sa awéan tou en lumébé mai eng kasiyaanna wo sérénna si poowna menonou ang kawenduan taan ra'ica kiimna in tumawang, tambisa sia makua sia mengaupus si Amang Kasuruan?

3 Yohanes 1:11

Poowku Gayus si icaupusku. Tioo ko mengaandé andumoro' sapa si léwo', taan mengaandé mangé sapa si loor. Si séi e mengaéma' in loor, sia itu asi Amang Kasuruan owo. Taan si séi e mengaéma' in léwo', sia ra'ipé' makatuus si Amang Kasuruan.