1 Timotius 5:3 - En Taar Weru a nunuwu' é Tontemboan

³ Pawéanmu mio' rékén sé balu wéwéné sé uli-ulit pinatéano i penanaanna wo ra'io wana sé masémbo-sémbong.

1 Timotius 5:3 ပူးပေါင်းရင်းမြစ်များ

Matius 15:6

ra'io sangali pandungenna eng kaperluan i amangna kuma'pai i nangna. Wo in taniitu, en taar i Amang Kasuruan ra'io pengakiiten iow, em pengakiiten iow asaloke' ing kanaramen iow.

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Lukas 2:37

wo si penanaanna matéo anaé sia balu oka. Wo intarépé' en umurna walu ngapulu' epat ngata'uno. Sia ra'ica kawisa tumela'u im Balé Le'nas. Endo wo em bengi sia maapo' a si Amang Kasuruan ang karapi mapuasa wo masombayang.

Lukas 7:12

An tutuw Sia matawio im papalen wangko' ing kota, awéan sé tou makawuléng ing kalékos si pakatekelan i tou imaté. Si tou imaté itu toyaang tuama, toyaang esa-esa i wéwéné balu. Wo keli sé tou ang kota itu mawaya' mewali-wali wo si wéwéné balu itu.

Yohanes 1:47

An tutuw i Yesus suméré si Natanael maai ai Sia, icua i Yesus, “Sérén, siao si wutu-wutul tou Israel. Si tou anio' ra'ica mengauwak sé tou walina.”

Kisah Para Rasul 6:1

Sé tou mengakiit in sususuien i Yesus makaaweso eng kakeli. An tutuw itu sé tou Yahudi sé manuwu' i nunuwu' é Yunani mangingimbulu a sé tou Yahudi sé menganuwu' i nunuwu' é Ibrani. Ampa'paan sé wéwéné balu é tou Yahudi menganuwu' i nunuwu' é Yunani itu, ra'io pawéan rékén é tou an tutuw mengaéké ing kaperluan mengendo-ngendo.

Kisah Para Rasul 9:39

Kelinga in itu, si Petrus makala'us tumu'tul wo mangé ang karapi éra. Icateka' mangé am bitu, iwali éra sia ang kamar an dangka'. Wo pakasa sé wéwéné balu tumulung rumuru mangé a si Petrus. Wo ang karapi i mengamé-ngamé' ituru' éra ai sia pakasa eng karai wo en juba si niéma'na tutuw i menonou.

Kisah Para Rasul 9:41

Timboian i Petrus eng kamana wo atasanna in tumulung. Wo towan i Petrus sé tou le'nas itu wo sé wéwéné balu, ituru'na ai séra sa si Tabita tinouna sumawel.

1 Tesalonika 2:6

Kami ka'i ra'ica kawisa mangéré i rarayo ai camu kuma'pa a sé tou walina. En ulitna, kami ruru'du'an i Kristus ro'na mangilek sapa-sapake' ai camu im baya.

1 Timotius 5:2

Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.

1 Petrus 2:17

Pengasiriin angé sé pakasa in tou wo mengaupuso mangé sé poo-poow iow an esa paémanen. Maindé'o mangé a si Amang Kasuruan wo pengasiriin angé si colano miow.

1 Petrus 3:7

Taniitu ka'i kamu é tuama sé awéano penanaan, kamu musti menonou angé wo si penanaanmu ang karapi ing kapinteran asi Kasuruan owo. Eng kaketeran éra itu ra'ica meputé wo icamu wo séra musti pasiriin iow ampa'paan kamu wo iséra puté makéré oka bagéan asi katouan akar ing kauré-uré si wéé oka mai i Amang Kasuruan. Sa kamu menonou tanu siitu ang karapi i penanaan iow, en sombayang iow ra'ica wana en sumémpér.