1 Timotius 5:21 - En Taar Weru a nunuwu' é Tontemboan

²¹ Timotius, iwééku en tawoien anio' ai co an dior i Amang Kasuruan wo si Kristus Yesus wo sé malaékat sé sinisir-Nao. Pangilekenku ai co wosama' émaano waya sé aicuaku anio' an jamaat wo ra'ica marapit.

1 Timotius 5:21 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Lukas 20:21

Icua é tou itu a si Yesus in tana'i, “Guru, kailekan ami pakasa sé aicua wo sé aisusui-Mu itu wutul wo si Guru ra'ica masisir tou em pasiriin, wo ka'i si Guru masusui ang karapi i makakii-kiit andumoro' ing kasalé'an i Amang Kasuruan.

Lukas 9:26

Ampa'paan si séike' e malawi' ampa'paan Yaku wo in sususuien-Ku, si Toyaang i Tou ka'i malawi' oka isia an tutuw-Na maai sumawel ang karapi ing kawasa wangko'-Ku wo ing kawasa wangko' i Amang-Ku wo sé malaékat le'nas.

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.

1 Tesalonika 5:27

Pangilekenku ai camu ang karapi ing kawasa i Apo' Yesus Kristus, bacan angé en surat anio' a sé poo-poow maéman.

1 Timotius 6:13

Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,

2 Timotius 2:14

Pokéiano mangé sé tou maéman andumoro' im pakasa sé aicuaku ai co. Icua mangé ai séra ang karapi i mauli-ulit an dior i Amang Kasuruan sapaoka séra ra'ica toro meindo-indoan roma' andumoro' ing kaangéan i nunuwuun itu, ampa'paan en itu ra'ica wana torona wo asalo lumicoko sé tou iluminga in itu.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

2 Petrus 2:4

Sé malaékat indior sé mengaéma' ing kamesé-meséaan ra'ica ampungan i Amang Kasuruan, taan iténdél-Na séra an api si ra'ica mape'de-pe'del akar ing kauré-uré. Séra yuntep ang kepal rarem wo riréimbeng en se'sek am bitu akar asi endo Sia mai makim pakasa in tou.

Yudas 1:6

Taniitu ka'i wo sé malaékat sé lumébéo maké ing kakawasaan si aitantuo ai séra wo itumela'uo im patawoian éra. Séra yuntep asi tampa si uli-ulit riréimbeng, am bitu séra wina'kes i ranté si ra'ica kawukaan akar ing kauré-uré. Séra tinang am bitu akar asi endo pengaakiman en akimen asi endo wangko' itu.

Wahyu 14:10

elepenna oka en anggor i Amang Kasuruan, siituo en anggor kae'bowan-Na si aituas an untep in paelepan kae'bowan-Na. Wo sia okoien oka in api wo im balélang an dior é malaékat le'nas wo an dior i Toyaang i Domba.