1 Timotius 5:18 - En Taar Weru a nunuwu' é Tontemboan

¹⁸ Ampa'paan ang Kitap Le'nas aipatic in tana'i, “Sa awéan sapi ang karoro'an i matawoi, ra'ica toro wa'kesenta em ba'ba'na wosama' sia ro'na kuman.” Wo awéan ka'i aipatic in tana'i, “Sé tou matawoi, patus makéré laasa.”

1 Timotius 5:18 ပူးပေါင်းရင်းမြစ်များ

Matius 10:10

Tioo ka'i kamu maali pawalunan am bawayaan, tioo ka'i kamu maali karai ipasawel, selop kuma'pa weka', ampa'paan si tou matawoi patus makéré in laasana.

Lukas 10:7

Wo sa awéan tou itumerimao icamu, mentoo mio' am baléna wo tioo maéra-éra. Wo kumano wo melepo mio' sapa si aiwééna ai camu, ampa'paan si tou matawoi patus makéré in laasana.

Roma 10:11

Ang Kitap Le'nas aipatic in tana'i, “Si séike' e maéman ai Sia, ra'ica kawisa ipapalawi'.”

Roma 11:2

Sé tou sinisir-Nao tumo'tolke' mai indior ra'ica aicélong i Amang Kasuruan. Tantu kailekano miow sapa en aipatic ang Kitap Le'nas, an tutuw i nabi Elia kumelak a si Amang Kasuruan andumoro' é tou Israel,

Roma 4:3

Ang Kitap Le'nas aipatic in tana'i, “Si Abraham maéman a si Amang Kasuruan wo ampa'paan im paémanenna itu, sia niampungan i Amang Kasuruan wo nianggap wutul an dior-Na.”

Roma 9:17

Ampa'paan ang Kitap Le'nas aipatic in andumoro' sé aicua i Amang Kasuruan a si Firaun kolano i Mesir, tana'i, “Angkaien-Ku ko mamuali kolano, wosama' ituru'-Ku eng kawasa-Ku ai co, wosama' ka'i e ngaran-Ku katuusan waya é tou ang kayo'baan.”

1 Korintus 9:14

Taniitu ka'i wo sé tou makua in Abar Kaaruien andumoro' i Yesus Kristus, séra aitantuo mai i Casuruan e musti makéré ing kaperluan éra susur in endo asé tou sé mengalinga in Abar Kaaruien itu.

Galatia 3:8

Ang Kitap Le'nas, ro'na kakailekanta sapaoka tumo'tolke' mai indior aitantuo i Amang Kasuruan sé tou ra'ica Yahudi anggapen-Na oka wutul an dior-Na sa séra maéman a si Kristus. En Abar Kaaruien itu aicuao i Amang Kasuruan indior a si Abraham an janji anio', “Pakasa im bangsa ang kayo'baan kamangen oka, ampa'paan ico.”

Yakobus 4:5

Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”