1 Timotius 5:16 - En Taar Weru a nunuwu' é Tontemboan

¹⁶ Taan sa awéan wéwéné maéman a si Casuruan wo an uner im pamaléna awéan wéwéné balu, si wéwéné maéman itu musti tumawang si balu itu wosama' sia ra'ica mamuali pamuléngen é jamaat. Wo in taniitu sé jamaat ro'na tumawang sé balu walina sé wutu-wutul ra'io wana kapoow.

1 Timotius 5:16 ပူးပေါင်းရင်းမြစ်များ

1 Timotius 5:10

wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.

1 Timotius 5:8

Ampa'paan sa awéan tou ra'ica kiim murus sé poo-poowna wopé'ka'i kapoownapé' in esa, sia itu isumangkalo im paémanenna a si Yesus. Si tou itu lumébémai eng kaléwo' wo sé tou sé ra'ica maéman a si Casuruan.

1 Timotius 5:9

Anaé, si balu wéwéné e ro'na daftar é jamaat en tawangen, en atorana tana'i: en umurna ra'ica maina' an enem ngapulu' ngata'- un, wayake' i makasa kawéngen,